دینی مدارس اسلام کے قلعے ہیں ،نصاب تبدیل کرنے کی کوشش کی گئی تو یہ حکومت کے آخری ایام ثابت ہونگے، مولانافضل الرحمن
عام انتخابات گزر گئے ،قوم کی اُمنگوں کے بر عکس فیصلے ہوئے ،دھاندلی کا مؤقف صرف ایم ایم اے کا نہیں تمام سیاسی جماعتوں کا ہے،عمران خان کی صورت میں آنیوالی تبدیلی اسلام اور قومی تہذیب بر عکس ہے ، قائد جمعیت علماء اسلام کا اجلاس سے خطاب
ہفتہ 8 ستمبر 2018 18:08
(جاری ہے)
انہوں نے کہا کہ قربانی کی کھا لیںاکھٹا کرنے پر علماء کو گرفتار کیا گیا۔
انہوں نے کہا کہ دینی مدارس اور تعلیمی اداروں کا نصاب ایک کرنے کی کوشش کی جا رہی ہے ، ایسا کرنے والے یاد رکھیں کسی کا باپ بھی ایسا نہیں کرسکتا، مدارس میں مداخلت کی گئی تو ٹانگیں توڑ دی جائینگی۔ انہوں نے کہا کہ اگر یہ سلسلہ نہ رکا تو یہ حکومت کے آخری دن ثابت ہونگے ۔اُنہوں نے کہا کہ عام انتخابات گزر گئے قوم کی اُمنگوں کے بر عکس فیصلے ہوئے ،دھاندلی کا مؤقف صرف ایم ایم اے کا نہیں بلکہ تمام جماعتوں کا تھا ۔ انہوں نے کہا کہ پاکستان پیپلز پارٹی نے صوبہ سندھ ،پاکستان مسلم لیگ (ن) نے صوبہ پنجاب میں انتخابات جیتے مگر وہ بھی تسلیم کرتے ہیں کہ دھاندلی ہوئی ہے ،انتخابی نتائج کے تمام مراحل کی کہانی پورے ملک میں بیان ہوتی ہے کہ دھاندلی ہوئی ہے ۔ انہوں نے کہا کہ الیکشن کا خلاصہ یہ ہے کہ موجودہ اکثریت، وزر اعلیٰ اور وزیر اعظم جعلی ہیں ،حکومت کے شروع ہی میں عوام پر مہنگائی کا طوفان آ کھڑا کیا ہے ۔ انہوں نے کہا کہ عمران خان کی صورت میں جو تبدیلی آئی وہ اسلام اور قومی تہذیب بر عکس ہے جس پارٹی نے فحاشی پھیلائی، اپنی بنیاد مغربی تہذیب پر رکھی ہو ان سے ریاست مدینہ کی توقع نہیں کی جا سکتی، یہ منہ اور ریاست مدینہ ، یہ ریاست مدینہ کی توہین کر رہے ہیں ۔اُنہوں نے کہا کہ پاکستان تحریک انصاف ملک پر بوجھ ہے جو نئی نسل کو گمراہ کر رہی ہے مگر ہم سیدھا راستہ دکھا ئیں گے ہم نے صدارتی انتخابات اس بنیاد پر لڑے کہ لبرل دنیا سے مقابلہ کرنا تھا،پی پی پی کے صدارتی اُمیدوارنے نظریاتی جنگ شروع کی اور اعلان کیا کہ میں لبرل ہوں اگر مولانا صدر منتخب ہوئے تو وہ مغربی دنیا کو قبول نہیں ہونگے۔ اُنہوں نے کہا کہ ملکی معیشت کو سنوارنے کیلئے قادیانی کو لایا گیا جو مغرب کیلئے کام کرتا ہے اس کواقتصادی پالیسی کو تبدیل کرکے مغرب کی طرز پر چلانے کے طور پر لایا گیا تھا نام نہاد وزیراعظم نے علماء کرام کو تقسیم کرنے کیلئے بلایا لیکن علماء نے ملاقات کرنے سے بھی انکار کیا جس پر ہم ان علماء کو خراج تحسین پیش کرتے ہیں کیونکہ مسئلہ ایک آدمی کا نہیں ۔ انہوں نے کہا کہ حکمران قادیانیوں کا پاکستان بنانا چاہتے ہیں لیکن ایسا ہماری لاشوں پر گزرنے کے بعد ہو ،گا جب تک علماء اسمبلیوں میں موجود ہیں ملک میں قادیانیوں کا کوئی کام نہیں ۔اس موقع پر سابق وفاقی وزیر اکرم خان درانی ، این اے 35کے امیدوار زاہد اکرم خان درانی ، سابق ایم پی اے ملک ریاض خان ، جے یو آ ئی کے ضلعی امیر قاری عبداللہ ، سابق ایم پی اے عبدالرزاق مجددی ، تحصیل ناظم انجینئرملک احسان ،اعزاللہ اللہ حقانی ، بلال احمد ، عبدالہادی و دیگر نے بھی خطاب کیا اکرم خان درانی نے جلسہ سے خطاب کرتے ہوئے کہا کہ حالیہ انتخابی مہم کے دوران ہمیں شکست سے دوچار کرنے اور انتخابی مہم سے دور رکھنے کیلئے مختلف خربے استعمال کئے گئے ہم پر دھماکے ہو ئے فائرنگ کی گئی لیکن ہم ڈرنے والے نہیں اور ثابت قدم رہے علاقہ ہوید کے عوام نے چار شہداء کی قربانی دی اور جانی قربانی کیساتھ ساتھ الیکشن کے روز بھی بھاری مینڈیٹ کیساتھ ووٹ دیا ۔ انہوں نے کہا کہ پچیس جولائی کو ہم نے الیکشن ہارا نہیں بلکہ ہمیں اسمبلی سے دور رکھا گیا ،پچھلے انتخابات میں 78ہزار ووٹ ملے حالیہ انتخابات میں ایک لاکھ چھ ہزار لیکن اعداد و شمار میں تاریخ کی بد ترین دھاندلی ہو ئی اور نتائج کو تبدیل کیا گیا اصل نتائج انشاء اللہ 14اکتوبر کو ہوں گے لہذا پولنگ ایجنٹس فارم الیکشن کے روز فارم 45کے حصول تک پولنگ اسٹیشن میں ہی رہے ۔مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.