بلوچستان سے سینیٹ کی خالی ہونے والی نشست پر 12ستمبر کو پولنگ ہوگی

پیر 10 ستمبر 2018 23:23

کوئٹہ (اُردو پوائنٹ اخبارتازہ ترین - این این آئی۔ 10 ستمبر2018ء) بلوچستان سے سینیٹ کی خالی ہونے والی نشست پر 12ستمبر کو پولنگ ہوگی بلوچستان سے 6امیدوار وں نے کاغذات نامزدگی حاصل کرکے جمع کرادیئے جس کے مطابق ان 6امیدواروں کے درمیان مقابلہ ہوگا امیدواروں میں متحدہ مجلس عمل کے رحمت اللہ کاکڑ ، بلوچستان عوامی پارٹی (باپ) کے میر سرفراز احمد بگٹی ،بلوچستان نیشنل پارٹی (مینگل )کے محمد ساجد ترین ایڈووکیٹ جبکہ تین آزاد امیدوار جن میں سابق نگران وزیراعلیٰ میر علائوالدین مری ،میر عامر خان رند، میر غلام دستگیر بادینی شامل ہیں۔

(جاری ہے)

پولنگ بلوچستان صوبائی اسمبلی کی بلڈنگ میں ہوگی جو صبح9بجے سے بغیرکسی وقفے کے شام 5بجے تک جاری رہے گی صوبائی الیکشن کمیشن نیاز بلوچ پریزڈائنگ آفیسر کے فرائض انجام دینگے ۔واضح رہے یہ نشست میر نعمت اللہ زہری کے رکن صوبائی اسمبلی منتخب ہونے کے بعد ان کے استعفیٰ کے منظور ہونے کے بعد خالی ہوئی تھی ۔