امریکہ کا پی ایل او کا دفتر بند کرنے کا حکم،

عالمی عدالت کوبھی پابندیوں کی دھمکی انٹرنیشنل کرمنل کورٹ افغانستان میں امریکی فوجیوں کے ہاتھوں قیدیوں کی بدسلوکی کے متعلق مقدمہ چلانے پر غور کر رہی ہے

منگل 11 ستمبر 2018 12:48

امریکہ کا پی ایل او کا دفتر بند کرنے کا حکم،

واشنگٹن(اُردو پوائنٹ اخبارتازہ ترین - این این آئی۔ 11 ستمبر2018ء) امریکہ نے واشنگٹن میں فلسطین لبریشن آرگنائزیشن کا دفتر بند کرنے کا حکم دیا ہے اور اس کے ساتھ اس نے انٹرنیشنل کرمنل کورٹ (جرائم کی بین الاقومی عدالت) کے خلاف پابندیوں کی دھمکی بھی دی ہے۔

(جاری ہے)

میڈیارپورٹس کے مطابق فلسطین کا سفارتی دفتر بند کرنے کے متعلق اس کا کہنا تھا کہ ایسا اس لیے کیا جا رہا ہے کیونکہ فلسطینی اسرائیل کے ساتھ امن مذاکرات میں مدد نہیں کر رہے جبکہ آئی سی سی کے متعلق اس نے کہا کہ اگر بین الاقوامی ادارہ امریکیوں کے خلاف قانونی چارہ جوئی کرتا ہے تو وہ اس کے خلاف پابندیاں عائد کرے گا۔

انٹرنیشنل کرمنل کورٹ افغانستان میں امریکی فوجیوں کے ہاتھوں قیدیوں کی بدسلوکی کے متعلق مقدمہ چلانے پر غور کر رہی ہے۔امریکی محکمہ خارجہ کا کہناتھا کہ فلسطین لبریشن آرگنائزیشن نے امن کی کوششوں میں امریکہ کے ساتھ شامل ہونے سے انکار کیا ہے۔ امریکی محکمہ خارجہ کی جانب سے جاری بیان میں کہا گیا کہ فلسطین لبریشن آرگنائزیشن نے اسرائیل کے ساتھ براہ راست اور با معنی مذاکرات شروع کرنے کے لیے قدم نہیں اٹھائے ہیں۔