فلسطینی کاز سعودی عرب کی اولین ترجیح ہے، عادل الجبیر
حوثیوں نے یمن بحران کے سیاسی حل کے لیے عالمی برادری کی اپیلوں کا سنجیدگی سے جواب نہیں دیا،گفتگو
بدھ 12 ستمبر 2018 13:33
(جاری ہے)
عادل الجبیر نے کہاکہ فلسطینی نصب العین سعودی عرب کی اولین ترجیح ہے۔
وہ عرب امن اقدام کی بنیاد پر فلسطینی عوام کو ان کے جائز حقوق دلانا چاہتا ہے اور 1967 کی سرحدوں کے اندر ایک آزاد فلسطینی ریاست کا قیام چاہتا ہے جس کا دارالحکومت مشرقی القدس ( یروشلیم) ہو۔انھوں نے یہ بھی واضح کیا کہ سعودی عرب ایسے کسی بھی عمل کو مسترد کرتا ہے جس کا مقصد مقبوضہ بیت المقدس کے بارے میں تاریخی اور قانونی موقف کو محدود کرنا ہو۔ ان کا کہنا تھا کہ شاہ سلمان بن عبدالعزیز نے الظہران میں عرب لیگ کے انتیسویں سربراہ اجلاس کو یروشلیم سمٹ کا نام دیا تھا اور یہ دراصل اس بات کا عکاس تھا کہ ہم برادر فلسطینی عوام کے بارے میں اپنے دلوں میں کیا درد رکھتے ہیں۔عرب لیگ کے وزرائے خارجہ نے اس اجلاس میں امریکا کی جانب سے فلسطینی مہاجرین کی امدادی ایجنسی اٴْنروا کی مالی امداد کی کٹوتی پر افسوس کا اظہار کیا ہے اور خبردار کیا ہے کہ صدر ٹرمپ کی انتظامیہ کے اس فیصلے سے پچاس لاکھ مہاجرین کی روزمرہ زندگیوں پر منفی اثرات مرتب ہوں گے۔اٴْنروا غربِ اردن ، غزہ کی پٹی ، اردن اورشام میں مہاجر کیمپوں میں رہنے والے ان لاکھوں فلسطینی مہاجرین کو خوراک اور بنیادی اشیائے ضروریہ مہیا کرنے کے علاوہ تعلیم اور صحت سمیت سماجی خدمات بھی مہیا کررہی ہے۔امریکا نے 31 اگست کو اٴْنروا کو امداد کے طور ہر دی جانے والی تیس کروڑ ڈالرز کی رقم کی کٹوتی کا اعلان کیا تھا۔عادل الجبیر نے اپنی تقریر میں یمن کی صورت حال کے بارے میں بھی اظہار خیال کیا اور کہا کہ سعودی عرب صدر عبد ربہ منصور ہادی کی قانونی حکومت کی حمایت کے ذریعے یمن کی علاقائی سالمیت ، خود مختاری ، اتحاد اور استحکام کو برقرار رکھنے کے لیے کوشاں ہے اور وہ اقوام متحدہ کے خصوصی ایلچی برائے یمن کی بحران کے حل کے لیے کاوشوں میں تعاون کررہا ہے۔انھوں نے کہاکہ ایران کی حمایت یافتہ الحوثی دہشت گرد تنظیم نے بحران کے سیاسی حل کے لیے عالمی برادری کی اپیلوں کا سنجیدگی سے جواب دیا ہے اور نہ وہ دے گی۔اس کا تازہ ثبوت یہ ہے کہ ان کے وفد نے جنیوا میں حالیہ مذاکرات میں شرکت ہی نہیں کی ہے۔مزید بین الاقوامی خبریں
-
غزہ میں اجتماعی قبریں اسرائیل کا سنگین جنگی جرم،لوگوں کی برہنہ لاشیں ملی ہیں،اقوام متحدہ
-
مزید چار ایرانی افراد و اداروں پر امریکی پابندیاں عائد
-
روس کے نائب وزیردفاع رشوت لینے کے شبہ میں گرفتار
-
سعودی عرب کی غزہ پر اسرائیلی قابض ریاست کے جنگی جرائم کی شدید مذمت
-
نیتن یاہو امن کی راہ میں رکاوٹ،فورا عہدہ چھوڑ دیں،نینسی پیلوسی
-
امریکی سینیٹ سے یوکرین، اسرائیل، تائیوان کیلئے امدا منظور
-
ورلڈ بینک کی حالیہ رپورٹ میں افغانستان کی تباہ کن معیشت کے متعلق نئی معلومات منظرعام پر آگئیں
-
ٹرمپ پر2016 کے صدارتی الیکشن میں فراڈ کا الزام
-
مالدیپ انتخابات، چین کی حامی جماعت کی بھاری اکثریت سے جیت
-
مودی پر الیکشن مہم کے دوران مسلمانوں کو ٹارگٹ کرنے کا الزام
-
مسجد اقصی میں یہودیوں کی قربانی کی رسم کی ادائیگی
-
اروند کیجریوال کو جیل میں انسولین دے دی گئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.