سی ڈی اے کا غیر قانونی تجاوزات کے خلاف آپریشن جاری

فیض آباد غیر قانونی ٹرانسپورٹ اڈے سمیت سیکٹر ایف سیون میں غیر قانونی تجاوزات کے خلاف کریک ڈائون، نجی ریسٹورینٹس کی غیر قانونی بنائی گئی چار دیواری کو گرا دیا گیا

بدھ 12 ستمبر 2018 20:23

اسلام آباد (اُردو پوائنٹ اخبارتازہ ترین - آن لائن۔ 12 ستمبر2018ء) وفاقی ترقیاتی ادارے (سی ڈی اے )کا غیر قانونی تجاوزات کے خلاف آپریشن جاری گزشتہ روز بھی فیض آباد غیر قانونی ٹرانسپورٹ اڈے سمیت سیکٹر ایف سیون میں غیر قانونی تجاوزات کے خلاف کریک ڈائون کیا گیا ۔تفصیلات کے مطابق گزشتہ روز سی ڈی اے آپریشن اسیسنٹ ڈائریکٹر انفورسمنٹ شیخ ذیشان کی زیرنگرانی سیکٹر ایف سیون میں آپریشن کیا گیا جس کے دوران نجی ریسٹورینٹس کی غیر قانونی بنائی گئی چار دیواری کو گرا دیا گیا جبکہ اسلام آباد ہائی کورٹ کے احکامات پر فیض آباد ٹرانسپورٹ اڈا بھی مسمار کر دیا گیا۔

آپریشن بھی سی ڈی اے اور وفاقی انتظامیہ ملازمین سمیت پولیس اہلکاروں نے بھی حصہ لیا۔واضح رہے کہ وفاقی ترقیاتی ادارا گزشتہ ایک ہفتے سے اسلام آباد میں غیر قانونی تجاوزات کے خلاف ان ایکشن ہے جبکہ فیض آباد ٹرانسپورٹ اڈے کے خلاف اسلام آباد ہائی کورٹ کے احکامات پر ماضی میں بھی معمولی آپریشن کیا جا چکا ہے اڈا مالکان کو متبادل اراضی فراہم کرنے کی بھی پیشکش کی گئی تھی ۔

(جاری ہے)

تاہم ٹرانسپورٹ مافیا فیض آباد میں پنجے گاڑے بیٹھے تھے اور قبضہ چھوڑنے سے انکاری تھے تاہم گزشتہ روز اسلام آباد ہائی کورٹ کے احکامات پر ایک با ر پھر اس اڈے کے خلاف آپریشن کیا گیا ہے ۔۔۔۔ذیشان کمبوہ