نیب کا شہباز شریف کو رائیونڈ روڈ تا جاتی امرا ء سڑک کی غیر قانونی تعمیر کیس میں بھی طلب کرنے کا فیصلہ

جمعرات ستمبر 15:20

نیب کا شہباز شریف کو رائیونڈ روڈ تا جاتی امرا ء سڑک کی غیر قانونی تعمیر ..
لاہور(اُردو پوائنٹ اخبارتازہ ترین۔ 13 ستمبر2018ء) قومی احتساب بیورو((نیب )))لاہور نے سابق وزیر اعلیٰ پنجاب محمد شہباز شریف کو رائیونڈ روڈ تا جاتی امرا ء سڑک کی غیر قانونی تعمیر کیس میں بھی طلب کرنیکا فیصلہ کر لیا۔

(جاری ہے)

ذرائع کے مطابق سابق وزیر اعظم نواز شریف اور سابق وزیر اعلیٰ پنجاب محمد شہباز شریف پر 1998ء میں اختیارات کا ناجائز استعمال کرتے ہوئے جاتی امرای تک سڑک تعمیر کروانے کا الزام ہے،17اپریل 2000 میں شروع کی جانے والی تفتیش کے مطابق 12کروڑ 56 لاکھ روپے سے زائد رقم کی کرپشن کی گئی،2016ء تک کرپشن انکوائری التواء کا شکار رہی، 2016کے بعد دوبارہ انکوائری پر کام شروع کیا گیاجس میں ثابت ہوا کہ ایک سکول اور ڈسپنسری کا بجٹ استعمال کرکے شریف برادران نے اپنی رہائش گاہ کیلئے سڑک تعمیر کروائی، چیئرمین نیب نے معاملے کی براہ راست انویسٹی گیشن کا حکم دیا تھا، جس پر اب نیب نے شہباز شریف کو طلب کرنے کا فیصلہ کیا ہے اور جلد انہیں طلبی کا نوٹس بھی بھجوایا جائے گا ۔

نیب نے اس کیس میں سابق وزیر اعظم نواز شریف کو بھی متعد بار طلب کیا تھا تاہم وہ پیش نہ ہوئے۔