سوئٹزر لینڈ میں پروفیسر طارق رمضان کے خلاف ناجائز جنسی تعلق کے الزام کی تحقیقات

پیر 17 ستمبر 2018 13:55

جنیوا(اُردو پوائنٹ اخبارتازہ ترین - این این آئی۔ 17 ستمبر2018ء) سوئٹزر لینڈ میں پراسیکیوٹرز نے جنیوا میں مصری نژاد سوئس پروفیسر طارق رمضان کے خلاف جنسی اخلاق باختگی اور ایک عورت سے ناجائز جنسی تعلق کے الزام کی تحقیقات شروع کردی ۔

(جاری ہے)

سوئس اخبارکے مطابق جنیوا نے وزارت انصاف کے ترجمان ہینری ڈیلا کاسا کے حوالے سے اطلاع دی کہ حکام نے طارق رمضان کے خلاف جنیوا میں 2008ء میں ایک عورت کی عصمت ریزی کے الزام کی تحقیقات شروع کرنے کا فیصلہ کیا ہے۔

طارق رمضان اس سال فروری سے فرانس میں دو اور عورتوں سے ناجائز جنسی تعلقات کے الزام میں پیرس کے نواح میں ایک جیل میں بند ہیں۔انھوں نے اس نئے الزام کے حوالے سے کوئی بیان جاری نہیں کیا ہے۔مسٹر جورڈن کا کہنا ہے کہ ان کے خلاف اس فوجداری کیس کی تحقیقات کے آغاز کے بعد اب سوئس پراسیکیوٹرز فرانس جائیں گے اور ان سے وہاں اس نئے الزام کی تحقیقات کریں گے۔