سعودی حکام نے پہلی بار 30روزہ عمرہ ویزے پر آنے والے معتمرین اور زائرین کو ملک کے کسی بھی شہر جانے کی اجازت دیدی

منگل 18 ستمبر 2018 11:24

ریاض ۔ (اُردو پوائنٹ اخبارتازہ ترین - اے پی پی۔ 18 ستمبر2018ء) سعودی حکام نے پہلی بار 30روزہ عمرہ ویزے پر آنے والے معتمرین اور زائرین کو ملک کے کسی بھی شہر جانے کی اجازت دیدی۔

(جاری ہے)

سعودی اخبار کے مطابق سیکرٹری امور عمرہ عبدالعزیز وزان کی جانب سے جاری کردہ علامیہ میں کہا گیا ہے کہ عمرہ اور زیارت ویزے پر آنے والے لوگ مکہ مکرمہ، مدینہ منورہ اور جدہ سے باہر سیاحتی، تاریخی اور تفریحی مقامات پر جانے کے مجاز ہوں گے تاہم اس کے لئے ضروری ہے کہ سیر و سیاحت کی اجازت پہلے حاصل کی جائے۔ 30دن میں سے 15دن حرمین شریفین کی زیارت اور باقی 15دن سیر و سیاحت کے لئے مخصوص کر دیئے گے ہیں۔