بغیر شادی کیے اسی طرح خوش ہوں‘ سلمان خان

جب آپ اس مصیبت سے گزر رہے ہیں تو مجھے کیوں گزارنا چاہتے ہیں‘شادی کے سوال پر جواب

منگل 18 ستمبر 2018 11:44

بغیر شادی کیے اسی طرح خوش ہوں‘ سلمان خان

ممبئی(اُردو پوائنٹ اخبارتازہ ترین - این این آئی۔ 18 ستمبر2018ء) بالی ووڈ کے دبنگ اداکار سلمان خان نے شادی سے متعلق پوچھے گئے سوالات سے تنگ آکر بالآخر شادی نہ کرنے کی وجہ بتا ہی دی۔بھارتی اداکار سلمان مختلف موضوعات کی وجہ سے اکثر خبروں کی زینت بنے رہتے ہیں لیکن اٴْن کے مداح ہمیشہ سلمان خان کی شادی کو لے کر سوالات کرتے رہتے ہیں جس پر سلو میاں نے لوگوں کی خواہشات کو رد کرتے ہوئے شادی نہ کرنے کی وجہ بتا دی۔

(جاری ہے)

بھارتی میڈیا رپورٹس کے مطابق بھارتی ریئلٹی شو ’بگ باس سیزن 12‘ کے شو کے دوران ایک جوڑے نے سلمان خان سے شادی سے متعلق سوال کرلیا جس پر بالی ووڈ سلطان نے کرارا جواب دیتے ہوئے کہا کہ شادی شدہ افراد ہمیشہ مجھ سے شادی کے حوالے سے سوالات کرتے ہیں لیکن میں انہیں یہی کہنا چاہتا ہوں کہ جب آپ اس مصیبت سے گزر رہے ہیں تو مجھے کیوں گزارنا چاہتے ہیں۔سلمان خان نے مزید کہا کہ وہ بغیر شادی کیے اسی طرح خوش ہیں۔