بھارت نے امریکا کی درآمد ی مصنوعات پر ٹیرف عائد کرنے کے فیصلے پر عمل درآمد 2 نومبر تک موخر کر دیا

منگل 18 ستمبر 2018 14:59

نئی دہلی ۔ (اُردو پوائنٹ اخبارتازہ ترین - اے پی پی۔ 18 ستمبر2018ء) بھارت کی حکومت نے امریکا سے درآمد کی جانے والی بعض مصنوعات پر ٹیرف عائد کرنے کے فیصلے پر عمل درآمد کو 2 نومبر تک موخر کر دیا۔بھارت دوسری مرتبہ اپنے اس فیصلے کو موئخر کر رہا ہے جو کہ اس نے امریکا کی جانب سے سٹیل اور ایلومنیم پر درآمدی ٹیکس عائد کیئے جانے کے جواب میں کیا تھا۔

(جاری ہے)

ڈونلڈ ٹرمپ کے صدر بننے کے بعد بھارت اور امریکا میں تجارتی تفرقہ پیدا ہوا تھا جو دور کرنے کے لئے مذاکرات بھی کئے گئے تاہم جون میں امریکا کی جانب سے بھارت کو سٹیل اور ایلومنیم پر عائد نئے درآمدی ٹیرف سے مستثنی کرنے سے انکار کے بعد بھارت نے اعلان کیا کہ وہ جوابی کارروائی کے طور امریکی مصنوعات جن میں بادام،اخروٹ اور سیب شامل ہیں پر 4 اگست سے درآمدی ٹیرف عائد کر رہا ہے تاہم اس اعلان پر عمل درآمد کو 18 ستمبر تک روک دیا گیا جس کے بعد اب پھر اس پر عمل درآمد 2 نومبر تک موئخر کرنے کا اعلان کیا گیا ہے جس کی وجہ امریکا سے اس معاملے پر جاری بات چیت ظاہر کی گئی ہے۔