پیپلز پارٹی اور مسلم لیگ (ن) میں اختلافات کے باعث اپوزیشن جماعتوں کا اجلاس منسوخ

اجلاس میںبجٹ، منی بجٹ، انتخابات میں مبینہ دھاندلی کے لئے تحقیقاتی کمشن کے مطالبے سمیت مہنگائی کے طوفان پر احتجاجی حکمت عملی بنائی جانی تھی

منگل 18 ستمبر 2018 15:57

پیپلز پارٹی اور مسلم لیگ (ن) میں اختلافات کے باعث اپوزیشن جماعتوں کا ..

اسلا م آباد(اُردو پوائنٹ اخبارتازہ ترین - آن لائن۔ 18 ستمبر2018ء) پیپلز پارٹی اور مسلم لیگ (ن) میں نظریات پر اختلافات کے باعث اپوزیشن جماعتوں کا بلایا جانے والا اجلاس منسوخ کر دیا گیا ۔

(جاری ہے)

تفصیلات کے مطابق منگل کے روز مسلم لیگ (ن) کی جانب سے مشترکہ اپوزیشن جماعتوں کا اجلا س 9 بجے پارلیمنٹ ہائو س میں طلب کیا گیا تھا جس میں بجٹ اور منی بجٹ سمیت انتخابات میں مبینہ دھاندلی کی تحقیقات کے کمشن کے مطالبے سمیت مہنگائی کے طوفان پر احتجاجی حکمت عملی بنائی جانی تھی لیکن پیپلز پارٹی اور مسلم لیگ (ن) میں نظریات پر اختلافات کے باعث اپوزیشن جماعتوں کے اجلاس کو منسوخ کر دیا گیا ہے واضح رہے کہ گزشتہ روز بھی مشترکہ اجلاس میں نکتہ اعتراض پر مسلم لیگ ن کے رہنمائوں کو بات نہ ملنے کی اجازت پر پی ایم ایل (این) آراکین اسمبلی نے اجلاس سے واک آئوٹ کیا تھا لیکن پیپلز پارٹی آراکین اسمبلی ایوان میں بیٹھے رہے تھی