راوالپنڈی ،چیف ٹریفک افسر کا یوم عاشور پرٹریفک پولیس کومکمل طور پر الرٹ رہنے کا حکم

محرم ڈیوٹی انتہائی نیک نیتی ،فرض شناسی ،صبر وتحمل اور حاضر دماغی سے کی جائے، محمد بن اشرف

منگل ستمبر 21:14

راولپنڈی(اُردو پوائنٹ اخبارتازہ ترین - آن لائن۔ 18 ستمبر2018ء) چیف ٹریفک افسر راولپنڈی محمد بن اشرف نے یوم عاشور پرٹریفک پولیس کومکمل طور پر الرٹ رہنے کا حکم دیا ہے احکامات جاری کئے ہیں کہ یوم عاشور پر محرم ڈیوٹی انتہائی نیک نیتی ،فرض شناسی ،صبر وتحمل اور حاضر دماغی سے کی جائے انہوںنے کہا کہ محرم الحرام میں ماتمی جلوسوں کو ٹریفک سکیورٹی اور شہریوں کی سہولت کے پیش نظر ٹریفک پلان پر مکمل عمل درآمد کروایا جائے یوم عاشور پر بہترین فرائض کی ادائیگی کو یقینی بناتے ہوئے ڈائیورشن پوئنٹس سے ٹریفک کو متباد ل راستوں پر رواں دواںرکھا جائے انہوںنے کہا کہ شہریوں کے ساتھ حسن سلوک سے پیش آیا جائے اور روڈیوزرز کو ٹریفک پلان سے متعلق آگاہی فراہم کی جائے سی ٹی او نے کہا کہ یہ دن اہم ہیں تمام افسران واہلکار دوران ڈیوٹی انتہائی ذمہ داری کے ساتھ لاء اینڈ آرڈر ، فرقہ وارانہ ہم آہنگی اور قیام امن کیلئے اپنا کردار احسن طریقہ سے سر انجام دیتے ہوئے ضلعی پولیس کے ساتھ مل کر ٹیم ورک کے ساتھ کام کریںانہوںنے کہا کہ شاہراہوں اور چوراہوں پر بھکاریوں پر خاص نظر رکھی جائے اور ان کے خلاف فوری کاروائی عمل میں لائی جائے اس کے علاوہ یڑھی یا کوئی اور مشکوک چیز نظر آئے تو فوری طور پر قبضہ میں لیںانہوںنے کہا کہ سبز نمبر پلیٹ والی اور تمام قسم کی ایمبولینس اور پوٹھوہار جیپوں پر خاص نظر رکھی جائے انہوںنے کہا کہ جلوس کے راستے میں کسی گاڑی ،موٹرسائیکل یاریڑھی وغیرہ کو کھڑا نہ ہونے دیا جائے جبکہ کالے شیشے والی بغیر نمبر پلیٹ والی گاڑیوں اوربدوں نمبر پلیٹ موٹرسائیکل کو سختی سے چیک کیا جائے۔