چیف الیکشن کمشنر جسٹس (ر) سردار محمد رضا کی زیر صدارت اجلاس، ضمنی بلدیاتی انتخابات کیلئے انتظامات کا جائزہ لیا گیا

منگل 18 ستمبر 2018 22:45

اسلام آباد ۔ (اُردو پوائنٹ اخبارتازہ ترین - اے پی پی۔ 18 ستمبر2018ء) الیکشن کمیشن نے ملک بھر میں ضمنی بلدیاتی انتخابات کیلئے انتظامات کا جائزہ لیا ہے۔

(جاری ہے)

اس سلسلہ میں منگل کو چیف الیکشن کمشنر جسٹس (ر) سردار محمد رضا کی زیر صدارت ایک اجلاس ہوا جس میں چاروں صوبائی الیکشن کمشنروں نے اس حوالہ سے تفصیلی بریفنگ دی اور ان انتخابات کے انعقاد سے متعلق امور پر تبادلہ خیال کیا گیا۔ اس موقع پر سیکرٹری الیکشن کمیشن بھی موجود تھے۔ اجلاس میں آئندہ ہفتہ چاروں صوبائی محکمہ بلدیات کے سیکرٹریوں کا اجلاس بلانے کا فیصلہ کیا گیا۔ صوبائی حکومتوں کا مؤقف سننے کے بعد اس حوالہ سے مزید فیصلہ کیا جائے گا۔