عالمی مندوب کا یمن میں سیاسی بات چیت میں اہم پیش رفت کا دعویٰ

مارٹن گریفیتھ حوثیوں کی تجاویز لے کریمنی حکومت کے ساتھ سعودی عرب میں مذاکرات کریں گے

بدھ 19 ستمبر 2018 11:30

صنعاء (اُردو پوائنٹ اخبارتازہ ترین - این این آئی۔ 19 ستمبر2018ء) یمن کے لیے اقوام متحدہ کے امن مندوب مارٹن گریفیتھ نے کہا ہے کہ یمن کی آئینی حکومت اور ایرانی حمایت یافتہ حوثی باغیوں کے درمیان مذاکرات کی بحالی کی کوششوں میں اہم پیش رفت ہوئی ہے۔

(جاری ہے)

غیرملکی خبررساں ادارے کے مطابق مائیکرو بلاگنگ ویب سائیٹ ٹوئٹر پر پوسٹ کردہ ایک بیان میں گریفیتھ کا کہنا تھا کہ ان کی صنعاء میں حوثیوں اور جنرل پیپلز کانگریس کے رہ نماؤں سے تعمیری اور مثبت بات چیت ہوئی ہے۔

ان کا کہنا تھا کہ یمن میں متحارب فریقین کے درمیان بات چیت کی بحالی کی قوی امید پیدا ہوئی ہے۔حوثیوں کی طرف سے قیدیوں کے تبادلے، اقتصادی صورت حال کی بہتری اور صنعاء ہوائی اڈے کو کھولنے کے مطالبات سامنے آئے ہیں۔اقوام متحدہ کے امن مندوب حوثیوں کی تجاویز لے کریمنی حکومت کے ساتھ سعودی عرب کے دارالحکومت الریاض میں مذاکرات کریں گے۔