سول ڈیفنس آرگنائزیشن اٹک کا محرم الحرام میں عاشورہ پر سخت سیکیورٹی پلان

بم ڈسپوزل کی ٹیمیں اہم مقامات کے گشت پر مامور، 300سے زائد رضا کار تعینات کر دئیے گئے مجالس اور جلوسوں میں ہر آنے جانے والے کی میٹل ڈیٹیکٹر سے چیکنگ، عقیل خٹک نے نگرانی سخت کر دی

جمعرات 20 ستمبر 2018 12:12

اٹک (اُردو پوائنٹ اخبارتازہ ترین - این این آئی۔ 20 ستمبر2018ء) سول ڈیفنس آرگنائزیشن اٹک کا محرم الحرام میں عاشورہ پر سخت سیکیورٹی پلان جاری کر دیا، بم ڈسپوزل کی ٹیمیں اہم مقامات کے گشت پر مامور ہیں، ڈسٹرکٹ ہیڈ کوارٹر سول ڈیفنس کنٹرول روم کی نگرانی سول ڈیفنس آفیسر عقیل خٹک خودکررہے ہیں، سب ڈویژن اٹک، حضرو، حسن ابدال، فتح جنگ، جنڈ اورپنڈی گھیب میں 300سے زائد رضا کار تعینات ہیں ، سول ڈیفنس آرگنائزیشن اٹک کے میڈیا کوآرڈینیٹر نثار علی خان نے صحافیوں کو بتایا کہ سول ڈیفنس کی تمام ٹیمیں عقیل خٹک ڈسٹرکٹ آفیسر کی نگرانی میں عاشورہ پر بخوبی فرایض انجام دینے کیلئے الرٹ ہیں، تمام مجالس اور جلوسوں کے راستوں کی سویپنگ اور سرچنگ بذریعہ میٹل ڈیٹیکٹر سپیشل برانچ کے عملہ کے ہمراہ کی جا رہی ہے اورمجالس اور جلوسوں میں ہر آنے جانے والے کو میٹل ڈیٹیکٹر سے چیک کرکے امام بارگاہوں میں داخل ہونے کی اجازت دی جاتی ہے ، نویں اور دسویں محرم کو اس پر مزید سختی کر دی گئی ہے۔