کسی غریب کی چھت نہیں گرائی جائے گی، علی نواز اعوان

روزگار اور صحت ہماری ترجیحات میں شامل ہیں،نامزد امیدوار این اے 53

جمعرات 20 ستمبر 2018 20:47

اسلام آباد(اُردو پوائنٹ اخبارتازہ ترین - آن لائن۔ 20 ستمبر2018ء) پاکستان تحریک انصاف کے نامزد امیدوار این اے 53 علی نواز اعوان نے کہا ہے کہ حکومت 100 دن کی منشور پر عملدار آمد کے لیے تیزی سے کام کر رہی ہے۔ حکومت نے کم وقت میں بڑے اقدامات کیے ہیں۔ علی اعوان نے کہا کہ اسلام آباد میں ایک بڑے مافیا نے سرکاری زمین پر قبضہ کیا۔ ہماری حکومت کسی غریب کے گھر پر آپریشن نہیں کرے گی۔

(جاری ہے)

تحریک انصاف کی حکومت نے کم آمدانی والے افراد کو پچاس لاکھ گھر دینے کا وعدہ کیا ہے۔ انہوں نے کہا کہ وزیراعظم عمران خان نے ہمیشہ غریبوں کی بات ہے۔ ان خیالات کا اظہار پاکستان تحریک انصاف کے نامزد امیدوار علی اعوان نے حلقے میں مختلف میٹنگ اور وفود سے خطاب کرتے ہوئے کیا۔ انہوں نے کہا کہ انشاء الّلہ منتخب ہونے کے بعد حلقہ کے مسائل مکمل طور پر حل کریں گے۔ اسلام آباد کو خوبصوت اسلام آباد بنائیں گے۔ قبل ازیں علی اعوان نے سترہ میل، بارہ کہو اور شاہدرہ میں کارنر میٹنگ سے خطاب بھی کیا۔