ملتان میٹروبس منصوبے میں کرپشن کی تحقیقات میں پیش رفت ،ْگرفتار افسران کے اہل خانہ کے اکائونٹس کی چھان بین شروع

ہفتہ 22 ستمبر 2018 22:47

ملتان میٹروبس منصوبے میں کرپشن کی تحقیقات میں پیش رفت ،ْگرفتار افسران ..
ملتان (اُردو پوائنٹ اخبارتازہ ترین - این این آئی۔ 22 ستمبر2018ء) ملتان میٹروبس منصوبے میں مبینہ کرپشن کی تحقیقات میں پیش رفت ہوئی ہے،نیب نے گرفتارافسران اورانکے اہل خانہ کے اکائونٹس کی چھان بین شروع کردی ۔نیب ذرائع کے مطابق گرفتارافسران اورانکے اہلخانہ کے اثاثوں کی تفصیلات جمع کی جارہی ہیں ،ْتفتیش کے دوران مزیداہم سرکاری افسران کے ملوث ہونے کا انکشاف ہوا ہے۔

(جاری ہے)

ذرائع کے مطابق ایم ڈی اے کے ایکسین اورایس ڈی او نے کنسلٹنٹ کمپنی سے گاڑی اوردیگرمراعات لیں،افسران نے کنسلٹنٹ کمپنی کے خرچے پرفرانس،اٹلی اوراسپین کی سیر،شاپنگ کی جبکہ چیف انجینئرصابرسدوزئی اہلیہ کے ہمراسرکاری خرچے پردبئی آتے جاتے رہے۔نیب کا کہناہے کہ تعمیراتی کمپنیوں کے منیجرزاورمالکان سے بھی پوچھ گچھ جاری ہے، مزیدتفتیش کیلئے تعمیراتی کمپنی کے مینیجر اور مالکان کو24ستمبرکودوبارہ طلب کر لیا گیا ،ْمیٹروبس کرپشن کیس میں نیب نے 6 ملزمان کو گرفتارکررکھاہے جنہیں جسمانی ریمانڈختم ہونے پر26ستمبرکوعدالت پیش کیاجائیگا۔