منی لانڈرنگ کیس : اومنی گروپ کی19اداروں کے بینک اکانٹس منجمد کردیئے گئے

ہفتہ ستمبر 23:01

منی لانڈرنگ کیس : اومنی گروپ کی19اداروں کے بینک اکانٹس منجمد کردیئے ..
کراچی(اُردو پوائنٹ اخبارتازہ ترین۔ 22 ستمبر2018ء) وفاقی تحقیقاتی ادارے ایف آئی اے نے منی لانڈرنگ اسکینڈل میں اومنی گروپ کی19اداروں کے بینک اکائونٹس منجمد کردیئے ہیں، ان اکائونٹس میں33کروڑ روپے سے زائد رقم موجود ہے۔تفصیلات کے مطابق کراچی کے بینکنگ کورٹ میں جعلی اکائونٹس سے متعلق اربوں روپے کے منی لانڈرنگ اسکینڈل کی تحقیقات میں پیشرفت ہوئی ہے، ایف آئی اے کی ہدایت پر اومنی گروپ کی19اداروں کے بینک اکائونٹس منجمد کردیئے گئے۔

رپورٹ کے مطابق ان اداروں کے بینک اکائونٹس میں 33کروڑ روپے سے زائد رقوم موجود ہے، دوسری جانب اومنی گروپ نے بینک اکائونٹس کھولنے کے لیے عدالت سے رجوع کرلیا۔اومنی گروپ نے موقف اختیار کیاہے کہ مختلف بینکوں میں ہمارے اکائونٹس منجمد کردیئے گئے ہیں جبکہ مذکورہ اکائونٹس کا تعلق اداروں کے مالی لین دین سے ہے، اومنی گروپ کے درخواست پر عدالت نے ایف آئی اے تفتیشی افسر سے جواب طلب کرلیا، عدالت نے ایف آئی اے پراسیکیوٹر کو بھی نوٹس جاری کردیاہے۔

(جاری ہے)

جن اداروں کے بینک اکائونٹس منجمد کیے گئے ہیں ان میں انصاری شوگرملز، چیمبرشوگرمل، ٹنڈوالہ یار شوگر ملز، سجاول اینگروفارمز، پاک ایتھنول، اومنی پولیمر پیکچر، اومنی پرائیویٹ لمیٹڈ، خوصکی شوگرملز, لار شوگر ملز، اومنی ایسوسی ایشن، دادو انرجی، شکارپور پاور، اومنی ویلفیئر فانڈیشن بھی شامل ہیں۔

متعلقہ عنوان :