بھارت کشیدگی بڑھانے کے لیے اوچھی حرکتوں پر اتر آیا

بھارت میں ہیریٹیج اینڈ فوڈ فیسٹیول کے لیے مدعو کئیے گئے 6 نامور شیفس کے دعوت نامے منسوخ کردئیے گئے

Syed Fakhir Abbas سید فاخر عباس ہفتہ ستمبر 22:01

بھارت کشیدگی بڑھانے کے لیے اوچھی حرکتوں پر اتر آیا
اسلام آباد(اردو پوائنٹ تازہ ترین اخبار-22 ستمبر2018ء) :بھارت کشیدگی بڑھانے کے لیے اوچھی حرکتوں پر اتر آیا۔
بھارت میں ہیریٹیج اینڈ فوڈ فیسٹیول کے لیے مدعو کئیے گئے 6 نامور شیفس کے دعوت نامے منسوخ کردئیے گئے۔تفصیلات کے مطابق بھارت کی جانب سے یکدم مذاکرات کے لیے وزراء خارجہ کی ملاقات سے پیچھے ہٹ جانے نے ماحول کو تھوڑا سے مشکل بنایا ہی تھا کہ رہی سہی کسر بھارتی آرمی چیف  کی گیدڑ بھبکیوں نے نکال دی۔

ان پے درپے واقعات کے بعد پاکستان اور بھارت میں کشیدگی اچانک بڑھ گئی ہے اور جب بھی پاکستان اور بھارت میں کشیدگی بڑھتی ہے تب ہی بھارت کی جانب سے اس کشیدگی کو ہوا دینے کے لیے اوچھی حرکتیں بھی کی جاتیں ہیں۔

(جاری ہے)

سیاست کے معاملات کو کھیل اور فن کے میدان تک گھسیٹ کر لایا جاتا ہے۔کبھی میچز منسوخ ہوتے ہیں تو کبھی بالی وڈ میں کام کرتے فنکاروں سے اچانک معاہدے منسوخ کر کے ان پر ہابندی لگا دی جاتی ہے،ایسا ہی کچھ اس مرتبہ بھی دیکھنے میں آیا ہے۔

بھارت کی جانب سے کشیدگی بڑھتے ہی اچانک گھٹیا برتاو شروع ہوچکا ہے۔بھارت میں منعقد ہونے والے ہیریٹیج اینڈ فوڈ فیسٹیول میں پاکستان سے 6  نامور شیفس کو شرکت کی دعوت دی گئی تھی جسے اچانک ہی منسوخ کردیا گیا ہے۔ذرائع کے مطابق دعوت ناموں کو انتظامیہ کی جانب سے منسوخ کیا گیا ہے اور اس دعوت ناموں کی منسوخی کی وجہ پاک بھارت کشیدگی بتائی گئی ہے۔یاد رہے کہ یہ فیسٹیول اکتوبر میں منعقد ہو گا، جس میں دنیا بھر سے لوگ حصہ لیں گے




متعلقہ عنوان :