چین نے امریکا کے ساتھ تجارتی بات چیت منسوخ کر دی،چینی نائب وزیراعظم کا دورہ واشنگٹن بھی منسوخ

اتوار 23 ستمبر 2018 13:20

واشنگٹن(اُردو پوائنٹ اخبارتازہ ترین - این این آئی۔ 23 ستمبر2018ء) امریکی اخبار نے بتایا ہے کہ چین نے امریکا کے ساتھ ہونے والی آئندہ تجارتی بات چیت منسوخ کر دی ہے اور اب وہ اپنے نائب وزیراعظم کوواشنگٹن نہیں بھیجے گا۔

(جاری ہے)

امریکی اخبار کے مطابق نائب وزیراعظم کے دورے سے قبل ایک درمیانی سطح کے وفد کو بھی واشنگٹن کا سفر کرنا تھا تاہم اب یہ دورہ منسوخ کر دیا گیا ہے۔چین نے گزشتہ ہفتے امریکا سے 60 ارب ڈالر کی درآمدی مصنوعات پر ٹیکس لگا دیا تھا۔ یہ اقدام امریکی حکومت کی طرف سے 200 ارب ڈالر کی چینی مصنوعات پر ٹیکس عاید کیے جانے کے جواب میں سامنے آیا۔ مذکورہ فیصلہ 24 ستمبر سے نافذ العمل ہو گا۔