کینیڈا کے دارالحکومت اوٹاوا میں شدید طوفانی آندھی سے نظام زندگی معطل، 2 لاکھ افراد بجلی سے محروم ہوگئے

اتوار 23 ستمبر 2018 14:10

اوٹاوا۔23 ستمبر(اُردو پوائنٹ اخبارتازہ ترین - اے پی پی۔ 23 ستمبر2018ء) کینیڈا کے دارالحکومت اوٹاوا میں شدید طوفانی آندھی سے نظام زندگی معطل ہوکر رہ گیا جبکہ دو لاکھ افراد بجلی سے محروم ہوگئے ۔ اتوار کو عالمی میڈیا کی رپورٹس کے مطابق 200 کلومیٹر کی رفتار سے آنے والی آندھی کے باعث دو افراد شدید زخمی ہوئے ہیں جن کی مقامی ہسپتال میں حالت نازک ہے ۔

(جاری ہے)

آندھی کی شدت کا اندازہ اس بات سے لگایا جاسکتاہے کہ آندھی کے باعث درجنوں کاریں ہوا میں اڑ کر دور جاگریں جبکہ متعد اشیاء اور ملبہ وغیرہ بھی ہوا میں اڑ گیا اوٹاوا کے میئر جم واٹسنے نے شدید آندھی کوع کو ہوائی بمباری قرار دیا اور کہا کہ انہوں نے اپنی پوری زندگی میں اس سے قبل اتنی شدید آندھی کا طوفان نہیں دیکھا تھا ۔ اطلاعات کے مطابق اوٹاوا میں شدید طوفانی آندھی کے بعداب نظام دو لاکھ افراد بجلی سے محروم ہیں ۔