جاپانی خلائی کیپسول کی خلائی اسٹیشن کے لیے روانگی

اتوار 23 ستمبر 2018 15:10

ٹوکیو ۔ (اُردو پوائنٹ اخبارتازہ ترین - اے پی پی۔ 23 ستمبر2018ء) جاپان کا ایک خلائی کیپسول اتوار کی صبح بین الاقوامی خلائی اسٹیشن کے لیے سامان کی نئی کھیپ لے کر روانہ ہو گیا۔ یہ کیپسول خوراک، تجرباتی آلات اور نئی بیٹریاں لے کر گیا ہے۔

(جاری ہے)

تقریباً ساڑھے چار دن بعد یہ کیپسول انٹرنیشنل اسپیس اسٹیشن سے منسلک ہو جائے گا۔ نو میٹر لمبے سلنڈر نما خلائی کیپسول پر ساڑھے پانچ ہزار کلوگرام سامان لدا ہوا ہے۔ اس کی روانگی خراب موسم اور تکنیکی خرابی کی وجہ سے دو ہفتے کی تاخیر سے ہوئی ہے۔ اس میں کوئی خلاباز سوار نہیں ہے۔ واپسی پر یہ کیپسول خلائی اسٹیشن سے کوڑا لے کر آئے گا اور زمین کے مدار میں داخل ہوتے ہی اسے تباہ کر دیا جائے گا۔

Facebook Twitter Google + Share on Whatsapp

جاپانی خلائی کیپسول کی خلائی اسٹیشن کے لیے روانگی

متعلقہ عنوان :

مزید بین الاقوامی خبریں