نیندمیں کمی ذیابیطس سمیت کئی بیماریوں کا موجب بن سکتی ہے، ماہرین

قصور(اُردو پوائنٹ اخبارتازہ ترین - اے پی پی۔ 24 ستمبر2018ء) امریکہ میں کی گئی ایک جدید طبی تحقیق میں بتایا گیاہے کہ نیندمیں کمی ذیابیطس سمیت کئی دوسری خطرناک بیماریوں کا موجب بن سکتی ہے ۔امریکہ کی ٹینیسی یونیورسٹی کے ماہرین کی جانب سے کی گئی تحقیق سائنسی جریدے سلیپ میں شائع کی گئی ہے۔ماہرین کاکہنا ہے کہ چوبیس گھنٹوں کے دوران ہر شخص کو کم سے کم چھ گھنٹے تک نیندکرنا چاہئیے اس سے کم نیند ذیابیطس یادوسرے جسمانی عوارض کاشکارکرسکتی ہے ۔

(جاری ہے)

طبی تحقیق میں کہاگیاہے کہ ایسے افراد جوکسی زخم میں مبتلاء ہیں تو انہیں چاہئیے کہ وہ نیندپوری کریں ورنہ ان کے زخم کومندمل ہونے میں زیادہ وقت لگ سکتاہے۔علاوہ ازیں بارسلوناانسٹیٹیوٹ فارگلوبل ہیلتھ کی تازہ تحقیق کیمطابق چھاتی اورپراسٹیٹ کینسرکے خطرات کوکم کرنے کیلئے رات کے کھانے اور سونے کے درمیان کم ازکم دوگھنے کا وقفہ لازمی ہے جو لوگ رات کا کھانا 9 بجے سے پہلے کھاتے ہیں یاپھر سونے سے دوگھنٹے پہلے کھاتے ہیں اُن میں چھاتی یا پراسٹیٹ کینسرکا خطرہ 20 فیصد کم پایاگیاہے‘کینسر کے خطرے اور کھانے کے اوقات کے درمیان تعلق پرمبنی یہ اپنی نوعیت کی پہلی تحقیق ہے ۔ماہرین کا کہناہے کہ اس کے نتائج امراض سے بچائوکی کوششوں کیلئے کارآمد ثابت ہوسکتے ہیں۔