تیونس میں شدید بارشیں، 5افراد ہلاک

پیر 24 ستمبر 2018 16:57

تیونس میں شدید بارشیں، 5افراد ہلاک
تیونس۔ (اُردو پوائنٹ اخبارتازہ ترین - اے پی پی۔ 24 ستمبر2018ء) تیونس کے شمال مشرقی صوبے نبوئیل میں شدید بارشوں کے باعث 5افراد ہلاک ہو گئے۔ تیونس کے شعبہ شہری تحفظ کے ترجمان معیز تریا نیبتایاکہ تیونس اور اس کے شمال مشرقی صوبے نبوئیل میںشدید بارشوں کے باعث 13 سالہ بچے اور 2 بہنوں سمیت 5 افراد ہلاک ہو گئے۔

(جاری ہے)

تیونس کے قومی موسمیاتی ادارے کے مطابق تیونس کے گردونواح میں ہفتے کی صبح سے شدید بارشوں کا سلسلہ شروع ہوا اور خاص طور پر صوبے نبوئیل میں سب سے زیادہ 197ملی میٹر تک بارش ریکارڈ کی گئی۔ شعبہ شہری تحفظ کے یونٹس اور سکیورٹی فورسز نے امدادی کارروائیاں کرتے ہوئے سڑک پر پھنسی 86گاڑیوں اور ساحلی علاقے کے قریب 25افراد پر مشتمل جاپانی سیاحوں کے گروپ کو ریسکیو کیا۔

متعلقہ عنوان :