یمن میں بحران حوثیوں کا پیدا کردہ ،یہ لوگ ایران کے اشاروں پر چلتے ہیں، سعودی سفیر

منگل 25 ستمبر 2018 11:50

نیویارک(اُردو پوائنٹ اخبارتازہ ترین - این این آئی۔ 25 ستمبر2018ء) اقوام متحدہ میں سعودی عرب کے سفیر عبداللہ المعلمی نے کہا ہے کہ یمن میں جاری بحران حوثی باغیوں کا پیدا کردہ ہے۔ حوثی ایران کے اشاروں پر عالمی قوانین کی خلاف ورزی کرتے اور یمنی عوام کے لیے مشکلات پیدا کرتے ہیں۔

(جاری ہے)

غیرملکی خبررساں ادارے کے مطابق اقوام متحدہ کے ایک اجلاس سے خطاب میں سعودی سفیر کا کہنا تھا کہ ہمیں یہ بات فراموش نہیں کرنی چاہیے کہ یمن میں بحران کے ذمہ دار حوثی باغی ہیں۔ یہ ایک مٹھی بھرگروپ ہے جنہوں غیرملکی مدد کے ذریعے آئینی حکومت کا تختہ الٹ کرقوم کے اجتماعی فیصلے اور عالمی ضمیر کی توہین کی۔