اسلام ہر قسم کی فرقہ واریت اور دہشت گردی کے خلاف ہے‘پیر امین الحسنات

موجودہ حکومت کے منی بجٹ سے غریب عوام مہنگائی کی مزید بوجھ تلے دب جائیں گے

منگل ستمبر 11:50

سرگودہا(اُردو پوائنٹ اخبارتازہ ترین۔ 25 ستمبر2018ء) عام انتخابات میں حکمرانوں نے جس تبدیلی کے دعوے کیے وہ ریت کی دیوار ثابت ہو رہے ہیں۔ان خیالات کا اظہار سابق وزیر مملکت برائے مذہبی امور پیر امین الحسنات نے جامعہ حنفیہ شیخ الاسلام کے دورہ کے دوران گفتگو کرتے ہوئے کیا انہوں نے کہا کہ اسلام ہر قسم کی فرقہ واریت اور دہشت گردی کے خلاف ہے۔

(جاری ہے)

موجودہ حکومت کے منی بجٹ سے غریب عوام مہنگائی کی مزید بوجھ تلے دب جائیں گے۔ پیر امین الحسنات نے کہا کہ مہنگائی سے پہلے ہی لوگوں کی گزر بسر مشکل سے ہو رہی تھی۔انہوں نے کہا کہ ہمیں دینی اقدار کے تحفظ کے لئے انفرادی و اجتماعی کوششیں کرنا ہو گی۔انہوں نے کہا کہ عوام ن لیگ کی حکومت کو یاد رکھیں گے۔