چیف کمشنر اور ڈپٹی کمشنر اسلام آباد نے کوآرڈینیٹر نیشنل ای او سی کے ہمراہ بچوں کو پولیو کے قطرے پلا کر پولیو مہم کا افتتاح کر دیا

منگل 25 ستمبر 2018 14:47

اسلام آباد ۔ (اُردو پوائنٹ اخبارتازہ ترین - اے پی پی۔ 25 ستمبر2018ء) اسلام آباد نیشنل ایمرجنسی آپریشن سنٹر برائے پولیو میں چیف کمشنر اسلام آباد جودت ایاز اور ڈپٹی کمشنر اسلام آباد حمزہ شفقات نے منگل کو کوآرڈینیٹرنیشنل ای او سی کے ہمراہ بچوں کو پولیو کے قطرے پلا کر پولیو مہم کا افتتاح کیا۔

(جاری ہے)

چیف کمشنر اسلام آباد نے نیشنل آپریشن کنٹرول روم کا دورہ کیا جس پر ڈاکٹر رانا محمد صفدر کوآرڈینیٹر نیشنل آپریشن سنٹر نے بریفنگ دی۔ اس موقع پر بِل گیٹس فاؤنڈیشن کا وفد، بین الاقوامی ادارہ صحت، نیشنل ای او سی کے عہدیدار اور ضلعی انتظامیہ کے افسران موجود تھے۔ اس موقع پر چیف کمشنر اسلام آباد نے میڈیا سے گفتگو کرتے ہوئے پولیو ٹیمز کی کارکردگی کو بھی سراہا۔