فرنٹئیر کور بلوچستان کی62ویں بیج کی پاسنگ آؤٹ پریڈ
لورالائی ٹریننگ سنٹر میں1614جوانوں کی تربیت مکمل ہونے پر حلف برداری اور تقسیم انعامات کی تقریب سیکٹر کمانڈر (نارتھ )بریگیڈئر ندیم سہیل، شہداء کے والدین،قبائلی عمائدین ،معتبرین اعلیٰ سول اور فوجی حکام کی شرکت
منگل 25 ستمبر 2018 16:54
(جاری ہے)
بہترین مجموعی کارکردگی کا اعزاز ریکروٹ ثاقب رحیم نے حاصل کیا۔
بہترین چیمپیئن کمپنی کا اعزازشیر خان شہیدکمپنی کو دیا گیا۔ٹریننگ سنٹر لورالائی کے چیف انسٹرکٹر لیفٹیننٹ کرنل محمد یوسف جاویدنے تربیت کے مختلف مراحل کے بارے میں تفصیلات بتائیں۔پریڈ سے خطاب کرتے ہوئے سیکٹر کمانڈرنارتھ بریگیڈئر ندیم سہیل نے کہا کہ فرنٹیئر کور بلوچستان نہ صرف افغانستان اور ایران سے ملنے والی سرحدوں کی نگہبان ہے بلکہ صوبے کی ترقی اور عوام کی فلاح و بہبودکیلئے صوبائی حکومت کے شانہ بشانہ کوشاں ہیں۔انہوں نے کہا کہ اسکول آف فرنٹیئر کور اینڈ ٹریننگ سنٹر گزشتہ 43برس سے فرنٹیئر کور کے جوانوں کی بنیادی تربیت اور پیشہ وارانہ مہارت کے حصول میں نہایت اہم کردار ادا کر رہا ہے ۔اس ادارے کے تربیت یافتہ افراد آج فرنٹیئر کور کا حصہ بن کر انتہائی کٹھن حالات اور دشوار گزار علاقوں میں اپنے فرائض انتہائی لگن اور جانفشانی کے ساتھ ادا کررہے ہیں۔انہوں نے آخر میں تربیت مکمل کرنے والے جوانوں کو مبارک باد دیتے ہوئے اس اعتماد کا اظہار کیا کہ وہ قوم کی توقعات پر پورا اُتریں گے اور محنت،ہمت اور جذبے سے اپنی تمام ذمہ داریوں کو احسن طریقے سے ادا کریں گے۔ سیکٹر کمانڈرنارتھ بریگیڈئر ندیم سہیل نے پریڈ کے بلند معیار کی تعریف کی اور یقین ظاہر کیا کہ تربیت حاصل کرنے والے جوان فرنٹیئر کوربلوچستان کی روشن روایات کو برقرار رکھیں گے ۔انہوں نے کہا کہ امن و امان کے قیام میں فرنٹیئر کورکی قربانیاں ناقابل فراموش ہیںاس لیے بلوچستان کے زیادہ سے زیادہ نوجوان فرنٹیئر کور میں شمولیت اختیار کرکے قومی یکجہتی اور دفاع وطن کی ذمہ داری میں اپنا کردار اداکریں۔ پاسنگ آئوٹ پریڈ کے مہمان خاص ایف سی کے شہید سپاہی محمد وسیم کے والد نے خطاب کرتے ہوئے کہا کہ انہیں ایف سی بلوچستان پر فخر ہے۔انہوں نے کہا کہ ان کے بیٹے نے وطن کی حفاظت پر جان قربان کی جس پر انہیں اور خاندان کو فخر حاصل ہے۔تقریب کے آخر میں مارچ پاسٹ ہوا مہمان خصوصی نے سلامی لی ۔تقریب میں قبائلی عمائدین ،معتبرین ،اعلیٰ سول اور فوجی حکام اور تربیت مکمل کرنے والے جوانوں کے والدین کے علاوہ شہریوں کی بڑی تعداد نے شرکت کی۔مزید اہم خبریں
-
ڈاکٹریاسمین راشد کی ضمانت کی درخواست پرسماعت 29 مارچ تک ملتوی
-
2015میں محرم کی حفاظتی ڈیوٹی پر تعینات سندھ رینجرز نے 8 سال بعدریڈیوپاکستان کی عمارت خالی کردی
-
انسداد دہشت گردی عدالت: اسد عمر‘زین قریشی سمیت 79 ملزمان کی عبوری ضمانتوں میں توسیع
-
وزیراعلی پنجاب سے ایرانی قونصل جنرل کی ملاقات ، منصب سنبھالنے پرمبارکباد پیش کی
-
نواز شریف،یوسف رضاگیلانی کیخلاف توشہ خانہ ریفرنس،نیب سے رپورٹ طلب
-
اسلام آباد پولیس نے سینکڑوں سوشل میڈیا اکاؤنٹس بند کروا دیئے
-
اسرائیل غزہ میں قحط اور بھوک کو جنگی ہتھیار کے طور پر استعمال کر رہا ہے.یورپی یونین
-
پی ٹی آئی کا اسلام آباد میں جلسہ کرنے کا فیصلہ، انتظامیہ کو درخواست دے دی
-
جنرل (ر) باجوہ، فیض حمید کو پارلیمنٹ میں طلب کرنے کی تحریک پیش کروں گا، خواجہ آصف
-
پاکستان نے جوابی فضائی حملے کیے، طالبان افغان سرزمین سے حملے روکیں، امریکا
-
ایم کیو ایم پاکستان سے کوئی اختلاف نہیں، فیصل واوڈا
-
شاہد خاقان عباسی کے خلاف ایل این جی ریفرنس پر سماعت ملتوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.