تحریک انصاف سابقہ حکومت کا رونا دھونا چھوڑ کر اپنی کارکردگی دکھائے اور عوام کو ڈلیور کرے ‘ آفتاب شیرپائو
صوبوں کے درمیان کالا باغ ڈیم کی تعمیر پر اتفاق رائے نہیں،جس منصوبے پر یکسوئی ہے اسے شروع کیا جائے ،سب کو فیڈریشن کو بچانا ہے نواز شریف کی رہائی ڈیل کا نتیجہ نہیں ،پرویز مشرف کے خلاف مقدمہ چل رہا ہے ،جو بھی باہر ہیں انہیں ملک میں آکر مقدمات کاسامنا کرنا چاہیے کراچی سے پشاور تک سب متفق ہیں انتخابات میں آر ٹی ایس سے نتائج بدلے گئے ،تحقیقات کیلئے پارلیمانی کمیشن کے حق میں ہیں پارلیمنٹ کو بھارت کی دھمکی پر متفقہ لائحہ عمل بنانا چاہیے ‘ چیئرمین قومی وطن پارٹی کی نواز شریف سے اظہار تعزیت کے بعد میڈیا سے گفتگو
منگل 25 ستمبر 2018 19:12
(جاری ہے)
انہوںنے کہا کہ جب سے حکومت آئی ہے گورنر ہائوسز اوروزیر اعلی ہائوسز کھولنے اور بند کرنے پر لگی ہوئی ہے،ان کی کوئی کارکردگی نظر نہیں آرہی ہے اور صرف کمیٹیاں بنا رہے ہیں،وزیر خزانہ اسد عمر نے مالیاتی بل میں جو ترامیم پیش کیں وہ اِدھر کی ہیں اور نہ ہی ادھر کی ہیں ۔
ایسا لگتا ہے ان کی کوئی حکمت عملی نہیں ،اصل ایشو کو ترجیحات دیں جس میں امن و امان اور خارجہ پالیسی پر توجہ دینی چاہیے ۔انہوںنے ملک کو درپیش مسائل کی وجہ سابقہ حکومت کو قرار دینے کے سوال کے جواب میں کہا کہ جو بھی حکومت آتی ہی وہ اسی طرح الزام تراشی کرتی ہے اور سب کچھ سابقہ حکومت پر ڈال دیتی ہے ۔ موجودہ حکومت اپنی کارکردگی دکھائے، یہ اعدادوشمار لے کر آئیں جس طرح شہباز شریف سامنے لے کر آئے ہیں ۔ حکومت کو سابقہ حکومت کا رونا دھونا چھوڑ کر کارکردگی دکھانی چاہیے اور عوام کو ڈلیور کرنا چاہیے ۔ پی ٹی آئی بتائے اس نے خیبرپختوانخواہ میں پانچ سال حکومت کی ہے وہاں انہوںنے کیا کارکردگی دکھائی ۔آفتاب شیر پائو نے کالا باغ ڈیم کے حوالے سے سوال کے جواب میں کہا کہ اس منصوبے پر صوبوںمیں اتفاق رائے نہیں ،ہم چیف جسٹس کا احترام کرتے ہیں لیکن سب کو فیڈریشن کو بچانا ہے۔ایسا منصوبہ شروع کیا جائے جس پر سب کی یکسوئی ہے ۔ دیا میر بھاشا ڈیم او رمہمند ڈیم کاآپشن موجود ہے او رمہمند ڈیم کے لئے ہم تگ و دو بھی کر تے رہے ہیں۔انہوںنے پرویز مشرف کے خلاف کیسز کے حوالے سے سوال کے جواب میں کہا کہ ان کے خلاف پہلے ہی مقدمہ چل رہا ہے اور ایک مرتبہ جو کیس چلے اسے منطقی انجام تک پہنچنا چاہیے ۔ مشرف سمیت جو بھی باہر ہیں انہیں واپس آنا چاہیے اور مقدمات کا سامنا کرنا چاہیے۔ انہوںنے کہا کہ کراچی سے پشاور تک سب متفق ہیں انتخابات میں آر ٹی ایس سے نتائج بدلے گئے ۔ہماری جماعت تحقیقات کیلئے کمیٹی نہیں بلکہ پارلیمانی کمیشن کے حق میں ہیں اور اس کے ٹی او آرز کو بھی واضح کرنا چاہیے ۔ انہوں نے نواز شریف کے مقدمات کے حوالے سے کہا کہ انصاف کے تقاضے ہیں کہ برابری کی بنیاد پر سلوک ہونا چاہیے اور انصاف ہوتا بھی نظر آنا چاہیے ۔نواز شریف کی رہائی کو ڈیل کانتیجہ قرار دینا صرف باتیں ہیں ،اگر ایسا ہوتا تو نواز شریف نے جیل میں تین ماہ کیوں گزارے ،جو یہ باتیں کر رہے ہیں اگر ان کے پاس شواہد ہیں تو دیں ۔ انہوں نے کہا کہ پارلیمنٹ کو بھارت کی دھمکی پر متفقہ لائحہ عمل طے کرنا چاہیے تاکہ سول اور عسکری قیادت ایک پیج پر ہو ۔نوازشریف کو تجویز دی ہے کہ تمام سیاسی جماعتوں کو ایک پیج پربلاکر بھارتی جارجیت کی دھمکی پر متفقہ لائحہ عمل طے کیاجائے ۔ انہوں نے مزید کہا کہ سعودی عرب سی پیک منصوبے میں تیسری پارٹی کے طورپرآئے تو کوئی اعتراض نہیں لیکن پارلیمنٹ میں بات چیت ہونی چاہیے ۔مزید اہم خبریں
-
پاکستان میں غیرملکی سرمایہ کاری دہشت گردوں کے نشانے پر
-
سعودی وزیر خارجہ کے دورہ اسلام آباد کا مقصد دو طرفہ اقتصادی تعاون کو بڑھانے پر بات چیت کو تیز کرنا تھا، ترجمان دفترخارجہ
-
6 سال بعد پہلی بارپاکستان میں 2023 کے دوران موبائل فون صارفین کی تعداد میں 37 لاکھ کی ریکارڈ کمی
-
صدرسے بینکنگ محتسب پاکستان سراج الدین عزیز کی ملاقات ، سالانہ رپورٹ پیش کی
-
پاکستان کا چین کے ساتھ چائے کے شعبے میں تعاون مزید بڑھانے کا فیصلہ
-
آرمی چیف سے سعودی عرب کے معاون وزیر دفاع کی ملاقات، دفاعی تعلقات پر تبادلہ خیال
-
امید ہے آئی ایم ایف کیساتھ نئے قرض پروگرام کے خدوخال مئی میں طے پا جائیں گے، وزیرخزانہ
-
وزیراعظم کی زیر صدارت اسمگلنگ کی روک تھام کے حوالے سے اعلیٰ سطحی اجلاس ، مختلف امورپر بریفنگ
-
پاکستان سے سمگلنگ کے خاتمے کا پختہ عزم رکھتا ہوں،وزیراعظم شہباز شریف
-
آئی ایم ایف نے پاکستانی معیشت کی بہتری پر مثبت ردعمل دیدیا
-
اقوام متحدہ میں پاکستان کے مستقل مندوب کی ایرانی وزیر خارجہ سے ملاقات ،باہمی تعاون اورمختلف امور پر تبادلہ خیال
-
یوسف رضا گیلانی کی کراچی کے علاقے لانڈھی میں گاڑی پر ہونے والے خودکش دھماکے کی شدید الفاظ میں مذمت
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.