زرعی توسیعی کارکنان کو گندم کی فصل کے نمائشی پلاٹس مقررہ ہدف کے مطابق لگوانے کی ہدایت

بدھ 26 ستمبر 2018 16:51

فیصل آباد(اُردو پوائنٹ اخبارتازہ ترین - اے پی پی۔ 26 ستمبر2018ء)محکمہ زراعت کے افسران و زرعی توسیعی کارکنان کو گندم کی فصل کے نمائشی پلاٹس مقررکردہ ہدف اور لے آئوٹ پلان کے مطابق لگوانے کی ہدایت کردی گئی ہے اور کہاگیاہے کہ اگر کسی جگہ پر زرعی لوازمات ، بیج ، کھاد، جڑی بوٹی کش زہروں کی دستیابی کے ضمن میں کسی مسئلہ کاسامنا یا ان کی کمی ہوتو فوری طورپر متعلقہ ڈسٹرکٹ آفیسرزراعت ، اسسٹنٹ کمشنر یا ضلعی انتظامی حکام کوآگاہ کیاجائے تاکہ اس سلسلہ میں فوری اقدامات کو یقینی بنانے میںمدد مل سکے ۔

محکمہ زراعت کے ذرائع نے بتایاکہ زرعی توسیعی کارکنان سے کہاگیاہے کہ وہ گندم کی بمپر کراپ کے حصول کیلئے مناسب مقامات،دیواروں ، برجیوں، سائن بورڈز پر گندم کی کاشت کیلئے اہم ماٹوز اور زرعی عوامل واضح طور پر لکھوائیں تاکہ کاشتکاروں تک زیادہ سے زیادہ معلومات پہنچائی جاسکیں۔

(جاری ہے)

انہوںنے کہاکہ ڈسٹرکٹ آفیسرز زراعت توسیع کو ہدایت کی گئی ہے کہ وہ ضلع ، تحصیل ،یونین کونسلز کی سطح پر کسانوں و کاشتکاروں کیلئے گندم سے متعلق ریفریشر کورسز کااہتمام کریں جن میں زرعی تحقیقی اداروں اوراڈاپٹو ریسرچ کے ماہرین و سائنسدانوں اور ریسرچ سکالرز کو مدعو کیاجائے تاکہ وہ کاشتکاروں کو گندم کی نئی اقسام و کاشتی امور سے روشناس کرواسکیں۔

Facebook Twitter Google + Share on Whatsapp

زرعی توسیعی کارکنان کو گندم کی فصل کے نمائشی پلاٹس مقررہ ہدف کے مطابق لگوانے کی ہدایت

مزید زراعت کی خبریں