انفارمیشن ٹیکنالوجی اور ٹیلی کمیونیکیشن انڈسٹری میں برآمدات اور روزگار پیدا کرنے کی بہت زیادہ صلاحیت پائی جاتی ہے،

اس شعبہ کی ترقی کیلئے تمام ضروری اقدامات بروئے کار لائے جائیں صدر مملکت ڈاکٹر عارف علوی کی وفاقی وزیر انفارمیشن ٹیکنالوجی و ٹیلی کمیونیکیشن خالد مقبول صدیقی سے گفتگو

جمعہ 28 ستمبر 2018 18:31

انفارمیشن ٹیکنالوجی اور ٹیلی کمیونیکیشن انڈسٹری میں برآمدات اور ..

اسلام آباد ۔ (اُردو پوائنٹ اخبارتازہ ترین - اے پی پی۔ 28 ستمبر2018ء) صدر مملکت ڈاکٹر عارف علوی نے کہا ہے کہ انفارمیشن ٹیکنالوجی اور ٹیلی کمیونیکیشن انڈسٹری میں برآمدات اور روزگار پیدا کرنے کی بہت زیادہ صلاحیت پائی جاتی ہے لہٰذا اس شعبہ کی ترقی کیلئے تمام ضروری اقدامات بروئے کار لائے جائیں۔ انہوں نے یہ بات وفاقی وزیر انفارمیشن ٹیکنالوجی و ٹیلی کمیونیکیشن خالد مقبول صدیقی سے گفتگو کرتے ہوئے کہی جنہوں نے جمعہ کو ایوان صدر میں ان سے ملاقات کی۔

(جاری ہے)

صدر نے اس بات پر زور دیا کہ انفارمیشن ٹیکنالوجی اور ٹیلی کمیونیکیشن کا شعبہ ملک کی مستقبل کی ترقی کیلئے کلیدی حیثیت رکھتا ہے، اس کے مؤثر استعمال سے مختلف وزارتوں اور سرکاری محکموں کی ڈیجیٹلائزیشن کے ذریعے عوامی خدمات کی فراہمی کے ڈھانچہ کو بہتر بنانے میں مدد مل سکتی ہے۔ انہوں نے کہا کہ اس شعبہ میں تحقیق و ترقی کو ترجیح دی جانی چاہئے تاکہ آگے بڑھنے کے نئے راستے کھلیں۔ صدر مملکت نے ملک میں انفارمیشن ٹیکنالوجی اور ٹیلی کمیونیکیشن کے فروغ کیلئے وزارت کی طرف سے اٹھائے جانے والے اقدامات کو سراہا۔