برصغیر میں امن کو یقینی بنانے کیلئے مسئلہ کشمیر کا پرامن حل ناگزیر ہے، صدر مملکت کا ٹوئٹ

جمعہ 28 ستمبر 2018 19:00

اسلام آباد (اُردو پوائنٹ اخبارتازہ ترین - این این آئی۔ 28 ستمبر2018ء) صدر مملکت ڈاکٹر عارف علوی نے کہا ہے کہ برصغیر میں امن کو یقینی بنانے کیلئے مسئلہ کشمیر کا پرامن حل ناگزیر ہے۔ جمعہ کو سماجی رابطہ کی ویب سائٹ ٹویٹر پر اپنے ایک ٹویئٹ میں صدر مملکت نے کہا ہے کہ مسئلہ کشمیر کے پرامن حل کا کوئی متبادل نہیں۔

(جاری ہے)

انہوں نے امریکہ، برطانیہ اور چین میں سابق سفیر اور عراق و سوڈان میں اقوام متحدہ کے مشن کے سربراہ اشرف جہانگیر قاضی کے ایک آرٹیکل کا ویب لنک بھی شیئر کیا جو ’دی کشمیر چیلنج‘ کے عنوان سے جمعہ کو ایک قومی روزنامہ میں شائع ہوا۔

مضمون میں پاکستان اور بھارت کیلئے متعدد نوعیت کے ہولناک مسائل کا ذکر کرتے ہوئے 21ویں صدی کی دونوں جوہری طاقتوں پر باہمی تعاون کیلئے زور دیا گیا ہے۔ مضمون میں کہا گیا ہے کہ مہلک رجحان کو روکنے کیلئے تعاون سے تصفیہ کشمیر کا تناظر فراہم ہو گا۔