مردان پولیس کیکاروائی،03مجرمان اشتہاریوں سمیت33مشتبہ افراد گرفتار

بدھ 10 اکتوبر 2018 21:58

مردان۔10 اکتوبر(اُردو پوائنٹ اخبارتازہ ترین - اے پی پی۔ 10 اکتوبر2018ء) تھانہ شیر گڑھ اور تھانہ سٹی کے حدود میں سرچ آپریشن03مجرمان اشتہاریوں سمیت33مشتبہ افراد گرفتارکرلئے۔

(جاری ہے)

تفصیلات کے مطابق ڈی پی او مردان کی خصوصی احکامات پر ایس پی آپریشن گل نواز خان اور سرکل ڈی ایس پیز کے زیر نگرانی سرچ اینڈکومبنگ آپریشنز کا سلسلہ جاری ہے ڈی ایس پی تخت بھائی سرکل علامہ اقبال اور ڈی ایس پی سٹی خالد خان کی سربراہی میں ایس ایچ او شیر گڑھ عجب خان اور ایس ایچ او سٹی ایوب خان نے کامیاب کاروائی کرتے ہوئے تھانہ شیر گڑھ اور تھانہ سٹی کے ملحقہ علاقوں میں کومبنگ آپریشن کے دوران مجرمان اشتہاریوں سمیت مشتبہ افراد کے ٹھکانوں پر چھاپے لگا ئے جس میں03مجرمان اشتہاریوں سمیت33مشتبہ افراد گرفتار کئے گئے، ان آپریشن کے دوران120مکانات چیک کئے گئے جس میں12 غیر رجسٹرڈ کرایہ داروں کے خلاف مقدمات درج کئے گئے ،جبکہ آپریشن کے دوران04رائفل،05پستول اور30 عدد کارتوس بھی برآمد کرکے ملزمان کے خلاف مقدمات درج کئے گئے، پولیس نے جدید سائنسی آلات کے ذریعی31موٹر سائیکلوں،200گاڑیوں اور200 افرادکا ڈیٹا چیک کیاگیا، جس میں13افراد کو زیر دفعہ 151/107 ،05افراد55/109اور 15افراد کو 55/110کے تحت گرفتار کیا گیا۔