سپریم کورٹ نے شمالی علاقوں کیلئے پی آئی اے کے زائدکرایوں سے متعلق کیس نمٹادیا

جمعرات 11 اکتوبر 2018 15:53

اسلام آباد (اُردو پوائنٹ اخبارتازہ ترین - این این آئی۔ 11 اکتوبر2018ء) سپریم کورٹ آف پاکستان نے شمالی علاقوں کیلئے پی آئی اے کے زائدکرایوں سے متعلق کیس نمٹادیا۔میڈیا رپورٹ کے مطابق شمالی علاقوں کیلئے پی آئی اے کے زائدکرایوں سے متعلق کیس کی سماعت چیف جسٹس ثاقب نثار کی سربراہی میں بینچ نے سپریم کورٹ آف پاکستان میں کی ۔

(جاری ہے)

سماعت کے دور ان پی آئی اے کے وکیل نعیم بخاری ایڈووکیٹ نے عدالت میں موقف اپنایا کہ شمالی علاقوں میں کرائے کم کردیئے گئے، پی آئی اے مالی مشکلات کاشکار ہے،عدالت سفاری فلائٹ شروع کرنے کی اجازت دے۔

چیف جسٹس ثاقب نثار نے ریمارکس دیئے کہ عدالت نے سفاری فلائٹس نہیں روکیں، ہم نے تو پی آئی اے افسران کے مفت سفرکانوٹس لیاتھا،ہم تمام سرکاری ادارے نہیں چلاسکتے، سفاری فلائٹ کافیصلہ پی آئی اے کاتھاجس پرسپریم کورٹ نے پی آئی اے زائدکرایوں کامعاملہ نمٹادیا۔