ضمنی انتخابات میں سب سے کم ٹرن آئوٹ کراچی ،ْ سب سے زیادہ فیصل آباد میں رہا

پیر 15 اکتوبر 2018 15:41

اسلام آباد(اُردو پوائنٹ اخبارتازہ ترین - این این آئی۔ 15 اکتوبر2018ء) ضمنی انتخابات میں سب سے کم ٹرن آئوٹ کراچی ،ْ سب سے زیادہ فیصل آباد میں رہا۔الیکشن کمیشن کی جانب سے ضمنی انتخابات میں ووٹرز ٹرن آئوٹ کی تفصیلات سامنے آگئیں جس کے مطابق قومی اسمبلی کے حلقوں میں ووٹرز ٹرن آؤٹ 28.31 اور صوبائی اسمبلی کے حلقوں میں ووٹرز ٹرن آؤٹ 35.71 فیصد رہا۔

(جاری ہے)

الیکشن کمیشن کے مطابق لاہورکے صوبائی اسمبلی کے حلقوں میں ووٹرز ٹرن آئوٹ 45 فیصد سے زائد رہا ، سب سے زیادہ ٹرن آئوٹ 52.32 فیصد فیصل آباد کے حلقہ پی پی 103 ،ْ سب سے کم ٹرن آئوٹ کراچی کے حلقہ این اے 243 میں رہا۔واضح رہے کہ قومی وصوبائی اسمبلیوں کے ضمنی انتخابات کے غیرحتمی وغیرسرکاری نتائج مطابق قومی اسمبلی کی 11 نشستوں میں سے پی ٹی آئی اور(ن) لیگ نے چارچار، ق لیگ نے دواورایم ایم اے نے ایک نشست حاصل کی۔