محمد عباس کو وقار یونس، محمد آصف اور شبیر احمد کی تیز ترین 50 ٹیسٹ وکٹوں کا ریکارڈ برابر کرنے کیلئے ایک وکٹ کی ضرورت

پیر 15 اکتوبر 2018 18:06

ابوظہبی ۔ (اُردو پوائنٹ اخبارتازہ ترین - اے پی پی۔ 15 اکتوبر2018ء) پاکستانی فاسٹ بائولر محمد عباس کو ٹیسٹ کرکٹ میں سابق ہم وطن بائولرز وقار یونس، محمد آصف اور شبیر احمد کی تیز ترین 50 ٹیسٹ وکٹوں کا ریکارڈ برابر کرنے کیلئے ایک وکٹ کی ضرورت ہے، اس بات کے قوی امکانات ہیں کہ عباس (آج) منگل کو آسٹریلیا کے خلاف شروع ہونے والے دوسرے ٹیسٹ میں یہ اعزاز حاصل کر لیں گے، اگر عباس کامیاب ہوئے تو وہ تیز ترین یہ کارنامہ انجام دینے والے مشترکہ طور پر دوسرے پاکستانی بائولر بن جائیں گے، پاکستان کی جانب سے یاسر شاہ نے صرف 9 میچز میں پچاس وکٹیں مکمل کر کے ملکی ریکارڈ پر قبضہ جما رکھا ہے جبکہ وقار، آصف اور شبیر نے 10، 10 میچز میں یہ اعزاز پایا تھا اور اب عباس بھی آسٹریلیا کے خلاف کیریئر کا دسواں میچ کھیلیں گے، انہوں نے اب تک نو میچز میں 49 وکٹیں لے رکھی ہیں۔