بجلی کی چو ری روکنے کیلئے ٹاسک فورس کی تشکیل کا فیصلہ خوش آئند ، جامع پلان ترتیب دیا جائے‘پیاف

بجلی چوری رکنے سے تمام دستیاب وسائل انڈسٹری کو منتقل ہونگے،صنعتیں اپنی کیپیسیٹی کے مطابق کام کر سکیں گی بجلی چوری کے نتیجے میں کو سالانہ ابوں روپے کا نقصان پہنچتا ہے ‘میاں نعمان کبیر، ناصر حمید خان،جاوید صدیقی

پیر 15 اکتوبر 2018 19:43

بجلی کی چو ری روکنے کیلئے ٹاسک فورس کی تشکیل کا فیصلہ خوش آئند ، جامع ..
لاہور(اُردو پوائنٹ اخبارتازہ ترین - این این آئی۔ 15 اکتوبر2018ء) پاکستان انڈسٹریل اینڈ ٹریڈرز ایسوسی ایشنز فرنٹ نے ملک بھرمیں بجلی کی چوری کو روکنے کے حوالے سے اقدامات کی تائید کرتے ہوئے کہا ہے کہ اس سلسلے میں ٹاسک فورس کی تشکیل خوش آئند ہے اور اس سلسلے میں مشاورت کے ساتھ موئثر قانون سازی کی جائے اور بلا امتیاز بجلی چوروں کے خلاف کاروائی کی جائے - پیر کو یہاں صنعتکاروں کے ایک وفد سے ملاقات کے دوران پیاف کے چیئر مین میاں نعمان کبیر سیئنر وائس چیرمین ناصر حمید خان اور وائس چیئرمین جاوید اقبال صدیقی نے کہا حکومت کے بجلی چوری روکنے کے اقدام سے تمام دستیاب وسائل انڈسٹری کو منتقل ہوں گے اورصنعتیں اپنی کیپیسیٹی کے مطابق کام کر سکیں گی ۔

بجلی چوری کے نتیجے میں ملک کو نا صرف سالانہ ابوں روپے کا نقصان پہنچتا ہے بلکہ توانائی کا بحران مزید سنگین ہو جا تا ہے اور اس نقصان کو ریگولر صارفین سے پورا کیا جاتا ہے جو باقاعدگی سے اپنا بل ادا کرتے ہیں جو پیداواری لاگت میں اضافے کا باعث بنتا ہے۔

(جاری ہے)

میاں نعمان کبیر نے کہا کہ ملکی صنعت کے لیے مہنگی بجلی کے ساتھ چلنا محال ہے۔پیداواری شعبہ مقابلے کی دوڑ سے باہر ہوتا جا رہا ہی- سیئنر وائس چیئر مین پیاف ناصر حمید خان اورجاوید اقبال صدیقی نے کہا کہ ضرورت اس امر کی ہے کہ بجلی کی چو ری روکنے کے لئے ایک ایسا جامع لائحہ عمل اورقانون سازی کو یقینی بنانے کے لئے راست اقدامات کئے جائیں اور بجلی چوری کے خلاف کاروائیوں کے دائرہ کار کو وسیع کیا جائے، اس کے مثبت نتائج بر آمد ہوں گے اور اس سے بجلی کے بحران پر قابو پانے میں خاطر خواہ مدد ملے گی۔

متعلقہ عنوان :