وفاقی وزیر مخدوم خسرو بختیار کی ضمنی انتخابات میں کامیابی پر پی ٹی آئی کے فواد احمد کو مبارکباد

پیر 15 اکتوبر 2018 20:15

اسلام آباد ۔ (اُردو پوائنٹ اخبارتازہ ترین - اے پی پی۔ 15 اکتوبر2018ء) وفاقی وزیر برائے منصوبہ بندی، ترقی و اصلاحات مخدوم خسرو بختیار نے رحیم یار خان سے پنجاب کی صوبائی اسمبلی کی نشست سے حالیہ ضمی انتخابات میں بھاری اکثریت سے کامیابی پر فواد احمد کو مبارکباد دی ہے۔

(جاری ہے)

وفاقی وزیر نے کارکنان اور عوام کا پاکستان تحریک انصاف حکومت پر اعتماد پر خوشی کا اظہار کیا۔ انہوں نے کہا کہ پاکستان تحریک انصاف کی کامیابی یہ ظاہر کرتی ہے کہ یہ ایک مقبول جماعت ہے جو وزیراعظم عمران خان کی باوثوق قیادت میں اپنے پورے اعتماد سے لوگوں کے مسائل کو حل کرنے اور ملک کو خوشحالی اور ترقی کی جانب گامزن کرے گی۔