پاکستان میں 36 کالعدم تنظیمیں سوشل میڈیا پر ایکٹو ہیں ،ْ ایف آئی اے کا کانکشاف

کالعدم تنظیموں کے گرفتار آپریٹرز عدالت میں پیش ،ْ تین ملزمان دو روزہ جسمانی ریمانڈپر ایف آئی اے کے حوالے

منگل 16 اکتوبر 2018 14:33

اسلام آباد (اُردو پوائنٹ اخبارتازہ ترین - این این آئی۔ 16 اکتوبر2018ء) ایف آئی اے کی جانب سے بین الاقوامی سطح پر کی گئی ایک سال پر محیط تفتیش میں انکشاف ہوا ہے کہ پاکستان میں 36 کالعدم تنظیمیں سوشل میڈیا پر ایکٹو ہیں۔ گزشتہ روز کالعدم تنظیموں کے گرفتارآپریٹرز کو انسداد دہشت گردی عدالت میں جج سید کوثر عباس زیدی کے روبرو پیش کیا گیا۔عدالت نے تین ملزمان کا دو روزہ جسمانی ریمانڈ منظور کرتے ہوئے انہیں تفتیش کیلئے ایف آئی اے کے حوالے کر دیا۔

(جاری ہے)

عدالت نے تینوں ملزمان کو 18 اکتوبر کو دوبارہ پیش کرنے کا حکم دے دیا۔ایف آئی اے نے عدالت کو بتایا کہ پاکستان میں کالعدم تنظیموں کی تعداد 75 ہے جن میں سے 36 کالعدم تنظیمیں سوشل میڈیا پر ایکٹو ہیں۔ایف آئی اے ذرائع کے مطابق ملزمان حمزہ، محمد بلال، سبط الحسن کو اسلام آباد، جہلم اور گلگت سے گرفتار کیا گیا، ملزمانسوشل میڈیا پر کالعدم تنظیموں کے پیج چلاتے تھے ،ْکالعدم تنظیموں کے ایڈمنسٹریٹرز کاپتہ چلانے میں انٹرپول نے معاونت کی۔