بھارت اور چین نے افغانستان کے سفارت کاروں کو تربیت دینے کے مشترکہ پروگرام کا آغاز کر دیا

مستقبل میں افغانستان کیلئے اس تعاون کا دائرہ کار تربیتی پروگراموں سے کہیں آگے بڑھ کر ٹھوس منصوبوں تک پھیلایا جائیگا ،ْچینی سفیر

منگل 16 اکتوبر 2018 18:34

نئی دہلی (اُردو پوائنٹ اخبارتازہ ترین - این این آئی۔ 16 اکتوبر2018ء) بھارت اور چین نے افغانستان کے سفارت کاروں کو تربیت دینے کے مشترکہ پروگرام کا آغاز کر دیا۔

(جاری ہے)

بھابھارت میں تعینات چینی سفیر لو ژائو ہوئی نے میڈیا سے گفتگو کرتے ہوئے کہا کہ انڈین فارن انسٹیٹیوٹ میں10 افغان سفارت کاروں کی تربیت بھارت، چین اور افغانستان کے درمیان تعاون کا پہلا قدم ہے۔ انہوں نے کہا کہ اس منصوبے پر رواں برس چینی صدر شی جن پنگ اور بھارتی وزیر اعظم نریندر مودی نے اتفاق کیا تھا۔ چینی سفیر نے امید اظہار کرتے ہوئے کہا کہ اس مشترکہ تعاون سے دونوں ممالک مستفید ہوں گے اور مستقبل میں افغانستان کے لیے اس تعاون کا دائرہ کار تربیتی پروگراموں سے کہیں آگے بڑھ کر ٹھوس منصوبوں تک پھیلایا جائے گا۔