انسداد دہشت گردی کی خصوصی عدالت نے تین کالعدم تنظیموں کے آپریٹرز کو دو روزہ جسمانی ریمانڈ پر ایف آئی اے کے حوالے کر دیا

منگل 16 اکتوبر 2018 21:40

اسلام آباد ۔ (اُردو پوائنٹ اخبارتازہ ترین - اے پی پی۔ 16 اکتوبر2018ء) انسداد دہشت گردی کی خصوصی عدالت نے تین کالعدم تنظیموں کے پاکستان میں آپریٹرز کو دو روزہ جسمانی ریمانڈ پر ایف آئی اے کے حوالے کر تے ہوئے ملزمان کو 18 اکتوبر کو دوبارہ پیش کرنے کا حکم دے دیا۔ ملزم حمزہ، محمد بلال اور سبط الحسن سوشل میڈیا پر کا لعدم تنطیموں کے پیج چلاتے تھے ۔

ایف آئی اے کائونٹر ٹیررزم ونگ نے پیکا ایکٹ دفعہ 9، 10 اور 10 اے کے تحت مقدمات درج کیے ۔

(جاری ہے)

سماعت کے دوران ایف آئی اے نے موقف اختیار کیا کہ پاکستان میں 36 کالعدم تنطیمیں سوشل میڈیا پر ایکٹیو ہیں، ایک سال پر محیط تفتیش بین الاقوامی سطح پر کی گئی، تفتیش میں 7 ممالک اور سوشل میڈیا سائٹس سے بھی معاونت حاصل کی گئی ۔کا لعدم تنظیموں کے ایڈمنسٹریٹرز کو ٹریس کرنے میں انٹرپول نے معاونت کی ،ملزمان کو اسلام آباد، جہلم اور گلگت سے گرفتار کیا گیا،ملزمان سپہ صحابہ، لشکر جھنگوی اور تحریک جعفریعہ کو پاکستان میں آپریٹ کرتے تھے۔عدالت نے ملزمان کو دو روزہ جسمانی ریمانڈ پر ایف آئی اے کے حوالے کر دیا ۔