اسلام آباد ہائی کورٹ نے چیئرمین سی ڈی کی تقرری کے حوالے سے کیس نمٹا دیا

منگل 16 اکتوبر 2018 21:40

اسلام آباد ۔ (اُردو پوائنٹ اخبارتازہ ترین - اے پی پی۔ 16 اکتوبر2018ء) اسلام آباد ہائی کورٹ نے چیئرمین سی ڈی کی تقرری کے حوالے سے عدالتی حکم پرعمل درآمد کیس غیر موثر ہونے کے باعث نمٹا دیا۔منگل کو عدالت عالیہ کے جسٹس اطہر من اللہ نے درخواست گزار فرخ نواز بھٹی کی جانب سے دائر درخواست پر سماعت کی ۔

(جاری ہے)

اس موقع پر درخواست گزار کے وکیل تیمور اسلم نے دلائل دیتے ہوئے کہا کہ آپ کے عدالتی حکم پر مکمل عمل درآمد نہیں ہوا، شیخ انصرکوچئیرمین کے عہدے سے ہٹانے کے بعد صدارتی آرڈیننس کے ذریعے قانونی تحفظ دیاگیا۔

عدالت نے سی ڈی اے کے وکیل سے استفسار کیا کہ قانونی حیثیت کیا ہے، عدالتی حکم پرعمل ہوایانہیں۔ سی ڈی اے کے وکیل کاشف ملک ایڈوکیٹ نے کہا کہ سی ڈی اے ایکٹ کے تحت پارلیمنٹ سے منظورلے لی گئی ہے، سابق چئیرمین عثمان اختر باجوہ اورتوہین عدالت کی درخواستیں غیرموثرہوچکی ہیں، چئیرمین سی ڈی اے خود پیش ہونا چاہتے تھے لیکن سپریم کورٹ میں ہونے کی وجہ سے پیش نہیں ہوئے۔عدالت نے درخواستیں غیرموثر ہونے کی بناپر نمٹادیں۔