سابقہ حکومت ملکی معیشت اور قومی اداروں کو تباہ کرنے کی ذمہ دار ہے ،پی ٹی آئی کی موجودہ حکومت نی کاروں سمیت پرتعیش اشیاء پر ٹیکس لگائے،صنعتی سیکٹر میں بہتری لا کر برآمدات بڑھانے پر توجہ دی جائے گی،وفاقی وزیر خزانہ اسد عمر کی نجی ٹی وی چینل سے گفتگو

بدھ 17 اکتوبر 2018 01:50

اسلام آباد ۔ (اُردو پوائنٹ اخبارتازہ ترین - اے پی پی۔ 17 اکتوبر2018ء) وفاقی وزیر خزانہ اسد عمر نے کہا ہے کہ سابقہ حکومت ملکی معیشت اور قومی اداروں کو تباہ کرنے کی ذمہ دار ہے ،پی ٹی آئی کی موجودہ حکومت نی کاروں سمیت پرتعیش اشیاء پر ٹیکس لگائے،صنعتی سیکٹر میں بہتری لا کر برآمدات بڑھانے پر توجہ دی جائے گی،ایک نجی ٹی وی چینل سے گفتگو کرتے ہوئے انہوں نے کہا کہ مختلف غیر ملکی اداروں اور بینکوں سے قرضہ لے کر 12 ارب ڈالر کے فرق کو پورا کر لیا جائے گا، حکومت یہ قرضے آئی ایم ایف، ورلڈ بینک اور ایشین ڈویلپمنٹ بینک سے لینے کی کوشش کرے گی۔

وفاقی وزیر نے کہا کہ کاروں سمیت پرتعیش اشیاء پر ٹیکس لگائے گئے ہیں۔ حکومت صنعتی سیکٹر میں بہتری لا کر برآمدات کو بڑھانے پر توجہ دے گی۔

(جاری ہے)

ایک سوال کے جواب میں وفاقی وزیر نے کہا کہ سابقہ حکومت ملکی معیشت اور قومی اداروں کو تباہ کرنے کی ذمہ دار ہے۔ انہوں نے کہا کہ پی ٹی آئی حکومت نے 100 روزہ پروگرام ویب سائٹ پر رکھ دیا ہے، ہم ملک کی معیشت کو مستحکم بنانے کی کوشش کر رہے ہیں۔

ہائوسنگ پراجیکٹ کے بارے میں ایک سوال کا جواب دیتے ہوئے انہوں نے کہا کہ یہ ایک مشکل ٹاسک ہے لیکن ہم کم آمدنی والے طبقہ کو فائدہ پہنچانے کے لئے اس پر عملدرآمد کریں گے۔ انہوں نے کہا کہ حکومت کم آمدنی والے طبقہ کو شیلٹر فراہم کرے گی اور پرائیویٹ سیکٹر 50 لاکھ گھروں کا ہدف پورا کرنے کے لئے اس منصوبہ میں سرمایہ کاری کرے گا۔ انہوں نے کہا کہ عوام نے پاکستان تحریک انصاف کے قائد عمران خان کی دیانتدار قیادت پر بھرپور اعتماد کا اظہار کیا ہے۔

عمران خان سے متعلق تازہ ترین معلومات

Facebook Twitter Google + Share on Whatsapp

متعلقہ عنوان :

مزید قومی خبریں