جنوبی افریقہ کا آسٹریلیا کے خلاف ون ڈے اور ٹی ٹونٹی انٹرنیشنل سیریز کیلئے سکواڈ کا اعلان

بدھ 17 اکتوبر 2018 16:47

جوہانسبرگ (اُردو پوائنٹ اخبارتازہ ترین - اے پی پی۔ 17 اکتوبر2018ء) کرکٹ سائوتھ افریقہ کی سلیکشن کمیٹی نے آسٹریلیا کے خلاف شیڈول ون ڈے اور ٹی ٹونٹی انٹرنیشنل سیریز کیلئے ٹیم کا اعلان کر دیا، کرس مورس، فرحان بہاردین اور ڈیوین پریٹورس کی دوبارہ سکواڈ میں واپسی ہوئی ہے جبکہ ایڈن مرکرام اور ہنرچ کلاسن کو ہاشم آملہ اور جے پی ڈومینی کے خلا کو پر کرنے کیلئے سکواڈ کا حصہ بنایا گیا ہے، آملہ اور ڈومینی انجری کے باعث دورہ آسٹریلیا سے دستبردار ہو گئے ہیں، ڈین ایلگر سلیکٹرز کا اعتماد حاصل کرنے میں ناکام رہے۔

(جاری ہے)

جنوبی افریقن ٹیم دورہ آسٹریلیا کے دوران میزبان ٹیم کے خلاف تین ون ڈے اور واحد ٹی ٹونٹی میچوں کی سیریز کھیلے گی۔ اعلان کردہ سکواڈ کپتان فاف ڈوپلیسی، فرحان بہاردین، کوئنٹن ڈی کوک، ریزا ہینڈرکس، عمران طاہر، ہنرچ کلاسن، ایڈن مرکرام، ڈیوڈ ملر، کرس مورس، نگیڈی، اینڈائل پہلک وایو، ڈیوائن پریٹورس، کگیسوربادا، تبریز شمسی اور ڈیل سٹین پر مشتمل ہے۔