یونیورسٹی آف سرگودھا کے شعبہ انفارمیشن ٹیکنالوجی اینڈ کمپیوٹر سائنس کے زیر اہتمام آگاہی سیشن کا انعقاد

جمعرات 18 اکتوبر 2018 16:33

سرگودھا(اُردو پوائنٹ اخبارتازہ ترین - اے پی پی۔ 18 اکتوبر2018ء) یونیورسٹی آف سرگودھا کے شعبہ انفارمیشن ٹیکنالوجی اینڈ کمپیوٹر سائنس اور یونیورسٹی ڈیٹا سنٹرکے زیر ِاہتمام آگاہی سیشن کا انعقاد کیا گیا جس میں طلبہ کو’’ مائیکروسافٹ آفس سپیشلسٹ سرٹیفیکیشن‘‘ کے متعلق رہنمائی دی گئی۔سرٹیفکیشن کا یہ پروگرام مائیکرو سافٹ اورپاکستان ہائر ایجوکیشن کمیشن کا مشترکہ منصوبہ ہے جس میں ایم ایس ورڈ،ایگزل،پاورپوائنٹ،ایکسس،آئوٹ لک سمیت دیگر سافٹ ویئرز میں مہارت کا امتحان لینے کے بعد 70فیصد یا اس سے زائد نمبر لینے والوںکو سرٹیفیکٹ جاری کیا جاتا ہے۔

مائیکروسافٹ آفس سپیشلسٹ سرٹیفکیٹ کے حامل طلبہ کو بین الاقوامی اداروں میں معیاری ملازمتیں حاصل کرنے میں مدد ملتی ہے۔

(جاری ہے)

اور یہ بین الاقوامی سطح پر تسلیم شدہ سرٹیفیکیشن پروگرام ہے۔تربیتی سیشن میںممبر سینٹ و سابق چیئرپرسن پاکستان انجینئرنگ کونسل انجینئر رخسانہ زبیری،ٹیک آرگنائزیشن کے ٹیکنیکل مینجر محمد عباس ملک،ہیڈ آف ڈیپارٹمنٹ سی ایس اینڈ آئی ٹی سعد رزاق،آئی ٹی مینجر زاہد انور،سسٹم ایڈمنسٹریٹر کاشف احسان، فیکلٹی ممبران اور طلباء و طالبات نے شرکت کی۔اس پروگرام کے تحت ایڈوب،آٹوڈیسک،ایم ٹی اے،کوئک بک جیسے اکائونٹنگ سافٹ ویئرز کے علاوہ چھوٹے پیمانے پر بزنس شروع کرنے کے لیے مہارت کی بنیاد پر سرٹیفکیٹ جاری کیے جاتے ہیں۔

Facebook Twitter Google + Share on Whatsapp

یونیورسٹی آف سرگودھا کے شعبہ انفارمیشن ٹیکنالوجی اینڈ کمپیوٹر سائنس کے زیر اہتمام آگاہی سیشن کا انعقاد

متعلقہ عنوان :

مزید تعلیم کی خبریں