معاشی، سیاسی اور دفاعی اعتبار سے مضبوط پاکستان ہی کشمیر کی بھارتی غلامی سے آزادی کا ضامن ہو سکتا ہے ، قوموں کی زندگی میں اتار چڑہائو آتا رہتا ہے، آج اگر بھارت علاقے کی بڑی طاقت ہے تو ضروری نہیں وہ کل بھی اس پوزیشن پر بر قرار رہے گا، جموں وکشمیر کے عوام نے ایک دن بھی اپنے آپ کو بھارت کا شہری تصور نہیں کیا ، کشمیری عوام پاکستان سے محبت اور اس ملک کے ساتھ اپنی وابستگی کو اپنے لئے سب سے بڑا اعزاز سمجھتے ہیں،
صدر آزادکشمیر کافارن سروس اکیڈیمی اسلام آباد میں زیر تربیت افسران سے خطاب
جمعرات 18 اکتوبر 2018 16:51
(جاری ہے)
انہوں نے کہا کہ بھارت کاکشمیر کے بارے میں بیانیہ شروع دن سے جھوٹ پر مبنی ہے۔
بھارت نے ہمیشہ دعویٰ کیا کہ مہاراجہ ہری سنگھ کے معاہدہ الحاق کے بعد جموں وکشمیر بھارت کا حصہ ہے لیکن حقیقت یہ ہے کہ ہری سنگھ نے بھارت سے کوئی معاہدہ الحاق کیا اور نہ بھارت آج تک اس کا کوئی قابل اعتبار ثبوت پیش کر سکا ہے۔ بھارت کے اس جھوٹے دعوے کے برعکس جموں وکشمیرکے منتخب نمائندگان نے پاکستان کے قیام سے چار ہفتے پہلے ایک باقاعدہ قرارداد پاس کر کے کشمیر کے مستقبل کو پاکستان کے ساتھ وابستہ کرنے کا تاریخ ساز فیصلہ کیا تھا جو آج بھی تاریخ کا حصہ ہے۔ اسی طرح بھارت کا یہ دعویٰ بھی غلط ثابت ہو چکا ہے کشمیر کا ایک حصہ جو اب آزادجموں وکشمیر کہلاتا ہے وہ پاکستان سے آئے ہوئے قبائلیوں نے آزاد کرایا تھا لیکن اب دنیا بھر کے غیر جانبدار تاریخ دان بتا رہے ہیں کہ قبائلی 27اکتوبر کے بعد اس وقت کشمیر میں داخل ہوئے جب ریاست جموں وکشمیر کے عوام نے خود ہتھیار اٹھا کر کشمیر کا ایک حصہ آزاد کرانے کے بعد اپنی حکومت بھی بنا لی تھی۔ انہوں نے کہا کہ بھارت کا یہ دعویٰ بھی غلط ثابت ہو چکا ہے کہ مقبوضہ جموں وکشمیر کے عوام کی اکثریت بھارت کے ساتھ رہنا چاہتی ہے جبکہ پاکستان کی مدد سے ایک محدود اقلیت کشمیر میں امن خراب کر رہی ہے ۔ اگر بھارت کا یہ دعویٰ درست ہے تو وہ کشمیر میں اقوام متحدہ کی تجویز کردہ رائے شماری کرانے سے کیوں گریز کر رہا ہے۔ صدر سردار مسعود خان نے کہا ہے کہ 27اکتوبر 1947کے دن جب بھارت نے کشمیر پر فوجی قبضہ کیا اس وقت سے لے کر اب تک کشمیر کے بہادر اور غیور عوام نے کبھی بھارت کا غاصبانہ قبضہ قبول نہیں کیا ۔ آج مقبوضہ وادی کے شہروں، قصبوں اور دیہاتوں میں سب سے زیادہ پاپولر نعرہ گو انڈیا گو بیک اور پاکستان کے ساتھ رشتہ کیا الا الہ الا اللہ ہے۔ جو کشمیر یوں کی سوچ اور مستقبل کے ارادوں کا پتہ دیتا ہے۔ انہوں نے کہا کہ بھارت کی سات لاکھ فوج نہتے کشمیریوں پر گزشتہ ستر سال سے ظلم و ستم کا ہر حربہ استعمال کر رہی ہے اور دوسری جانب بھارت دنیا کو یہ تاثر دے رہا ہے کہ کشمیر میں دہشت گردی ہو رہی ہے۔ بھارت کے اس منفی اور جھوٹ پر مبنی بیانیے کو سفارت کاری اور میڈیا کے ذریعے رد کرنے اور سچ کے بیانیے کو پورے اعتماد اورپوری قوت سے بیان کرنے کی ضرورت ہے۔متعلقہ عنوان :
مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.