ایف بی آر نے تنخواہ دار افراد کیلئے علیحدہ اور سادہ انکم ٹیکس گوشوارے کا فارم جاری کر دیا

جمعرات 18 اکتوبر 2018 19:42

اسلام آباد ۔ (اُردو پوائنٹ اخبارتازہ ترین - اے پی پی۔ 18 اکتوبر2018ء) فیڈرل بورڈ آف ریونیو (ایف بی آر) نے تنخواہ دار افراد کیلئے ایک علیحدہ اور سادہ انکم ٹیکس گوشوارے کا فارم جاری کر دیا ہے۔ یہ فارم ان تنخواہ دار افراد کیلئے ہے جن کے آمدنی کے دیگر ذرائع بھی ہیں۔

(جاری ہے)

ایف بی آر کی جانب سے جاری ایک نوٹیفکیشن کے مطابق انکم ٹیکس آرڈیننس 2001ء کے تحت تنخواہ، کاروبار، پراپرٹیز سے کرایہ و دیگر ذرائع سے حاصل ہونے والی آمدنی انکم میں شامل ہے۔ الگ گوشوارے کا فارم صرف ان افراد کیلئے ہے جو مجموعی آمدنی کے 50 فیصد سے زیادہ تنخواہ وصول کرتے ہیں۔