چیف ایگزیکٹو آفیسر آئیسکوباسط زمان کا چکوال سرکل کا سرکاری دورہ، افسران کی آئیسکو کے ریکوری، لاسز، ڈیڈ ڈیفالٹرز، نیو کنکشن اور بجلی چوری کے حوالے سے بریفنگ

جمعہ 19 اکتوبر 2018 19:40

چکوال۔ (اُردو پوائنٹ اخبارتازہ ترین - اے پی پی۔ 19 اکتوبر2018ء) چیف ایگزیکٹو آفیسر آئیسکوباسط زمان نے کہا ہے کہ آئیسکو (واپڈا) صف اول کی کمپنی ہے مگر اس میں ابھی بھی مزید بہتری کی گنجائش ہے ۔ چیف ایگزیکٹو آفیسر آئیسکو باسط زمان احمد نے چکوال سرکل کا سرکاری دورہ کیا اور افسران سے آئیسکو کے ریکوری، لاسز، ڈیڈ ڈیفالٹرز، نیو کنکشن اور بجلی چوری کے حوالے سے میٹنگ کی۔

اس موقع پر ڈائریکٹر کسٹمر سروس، چیف انجینئر آپریشن ڈائریکٹر، ڈائریکٹر جنرل ایڈمن، ڈپٹی ڈائریکٹر پبلک ریلیشن، S.E. چکوال، ڈپٹی ڈائریکٹر ٹیکنیکل، ایکسین چکوال، ایکسین تلہ گنگ، ایکسین پنڈ دادنخان، ایکسین ڈھڈیال، ایکسین کنسٹرکشن چکوال کے علاوہ چکوال سرکل کے تمام ایس ڈی او صاحبان بھی میٹنگ میں شریک تھے۔

(جاری ہے)

اس موقع پر چیف ایگزیکٹو آفیسر نے افسران سے خطاب کرتے ہوئے کہا کہ اللہ کے فضل و کرم اور ایمپلائز کی محنت کا ثمر ہے کہ آج آئیسکو پاکستان کی صف اول کی کمپنی ہے لیکن اس کے باوجود بہتری کی بہت گنجائش موجود ہے اور تمام ایمپلائز اپنی کمپنی اور ملک کی بہتری کے لئے مزید محنت اور لگن سے کام کریں۔

میٹنگ کے بعد چیف ایگزیکٹو آفیسر باسط زمان احمد نے واپڈا کمپلیکس چکوال میں پودا لگا کر شجر کاری مہم کا آغاز کیا اور S.E چکوال کو ہدایت کی کہ وزیراعظم پاکستان کے وژن کے مطابق گرین پاکستان کے تحت تمام دفاتر میں پودے لگا کر ملک کو سرسبز و شاداب بنانے اور ماحولیاتی آلودگی پر قابو پانے میں اپنا کردار ادا کریں۔