اسمبلی ارکان کی توڑ پھوڑ سے9 لاکھ کا نقصان ہوا، فیاض الحسن چوہان
انگلی کے اشارے پر 6 ارکان کو ہلہ شیری دینے کی ویڈیو بھی موجود ہے، واقعے کی انکوائری کروائی جائے گی، نقصان کا پیسا 6 ملوث ارکان اسمبلی کی تنخواہوں سے کاٹا جائیگا۔وزیراطلاعات پنجاب فیاض الحسن چوہان کی گفتگو
ثنااللہ ناگرہ جمعہ 19 اکتوبر 2018 20:30
(جاری ہے)
افتخار احمد کو یہاں تک پہنچنے میں30سال لگے ہیں۔فیاض الحسن چوہان نے کہا کہ انکوائری کمیٹی بنائی جائے گی۔ عوام کے ٹیکس کے پیسوں سے یہ جو 9لاکھ کا نقصان ہوا ہے اس کی تحقیقات کیلئے انکوائری کمیٹی ضرور بنائی جائے گی۔
دیکھا جائے گا کہ یہ پیسے ان کی تنخواہوں سے کاٹے جائیں یا پھر کیسے اس نقصان کو پورا کیا جائے۔یہ واقعہ سب لوگوں نے دیکھا ہے۔ انہوں نے کہا کہ صحافی سلمان غنی کاکہنا ہے کہ اس طرح ممبران کو معطل کرنے کی پہلے کوئی مثال موجود نہیں ، میں بتا دوں کہ پہلے کبھی کسی نے اسپیکر اسمبلی پر حملہ بھی نہیں کیا۔پہلے صرف ممبران آپس میں لڑتے تھے۔ اس پر سلمان غنی نے ٹی وی پروگرام میں فیاض چوہان کوجواب دیا کہ میں ریکارڈ بتا سکتا ہوں کہ سعید منہیس اسپیکر تھے اور غلام حیدروائیں کے خلاف تحریک عدم اعتماد تھی۔وہ ویڈیو نکال کردیکھنا کہ اس میں کس نے حملہ کیا تھا۔فیاض چوہان نے کہا کہ یہ پنجاب اسمبلی کی تصویر اتنی شرمناک ہے اس کی انکوائری کروائی جائے گی۔انہوں نے کہا کہ انگلی کے اشارے سے 6ارکان کو ہلہ شیری دینے کی ویڈیو بھی موجود ہے۔دوسری جانب اپوزیشن کا کہنا ہے کہ حملے کی تصویر جعلی ہے۔ قائد حزب اختلاف حمزہ شہباز نے کہا کہ اسمبلی میں توڑ پھوڑ کی تصویرجعلی ہے، یہ جعلی اسپیکر کا جعلی اقدام تھا ،ہمارے ممبران کی تضحیک کی جائیگی تو بھرپور احتجاج کریں گے جبکہ حکومت نے منانے کی بجائے اپوزیشن کی عدم موجودگی میں ہی مالی سال 2018-19ء بجٹ پر بحث کا آغاز کر دیا۔ تفصیلات کے مطابق 16 اکتوبر کو بجٹ اجلاس کے دوران ایوان میں بدنظمی کے بعد اسپیکر پرویز الٰہی نے موجودہ سیشن میں (ن) لیگ کے 6 اراکین کے ایوان میں داخلے پر پابندی عائد کردی تھی۔ پابندی کے حامل ارکان میں محمد مرزا جاوید، طارق مسیح گِل، ملک محمد وحید، محمد اشرف رسول، محمد یاسین عامر اور زیب النساء اعوان شامل ہیں۔پابندی کے حامل 6 ارکان کی تصاویر بھی اسمبلی سکیورٹی سٹاف کو جاری کی گئی ہیں اور سرکلر میں کہا گیا ہے کہ مسلم لیگ (ن) کے مذکورہ 6ارکان ایوان میں آنے نہ پائیں۔ اسپیکر کا کام ہوتا ہے کہ اپوزیشن کو بھی ساتھ لے کر چلے مگر ایوان میں ایک ایسا شخص اسپیکر کی کرسی پر براجمان ہے، جس نے ہمارے 12 ووٹ چوری کیے اور سپیکر بن گیا ،پرویز الٰہی تھانیدار کا کردار ادا کر رہے ہیں انہوں نے خواتین کے لیے بھی توہین آمیز لفظ استعمال کیا۔ یہ اسپیکر نہیں ہیں، ان کا پہلا قائد نواز شریف تھا اور پھر پرویز مشرف بن گئے۔ حمزہ شہباز نے کہا کہ وثوق سے کہتا ہوں کہ اسمبلی میں توڑ پھوڑ کی تصویرجعلی ہے، اسمبلی میں ہنگامی آرائی کی جعلی تصویر جاری کی گئی، یہ جعلی اسپیکر کا جعلی اقدام تھا۔ ہمارا مطالبہ ہے کہ کرسی والی تصویر کی تحقیقات کے لیے ایک کمیٹی بنائی جائے۔انہون نے کہا کہ جن ارکان کے داخلے پر پابندی عائد کی گئی ان کا استحقاق مجروح ہوا، ہمارے ممبران کی تضحیک کی جائیگی تو بھرپور احتجاج کریں گے۔ پہلے ہمارے ارکان کو ایوان میں لایا جائے۔ جب تک ہمارے ارکان کی معطلی کا حکم واپس نہیں ہوگا ایوان میں نہیں جائیں گے۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.