ایشین چیمپیئنز ٹرافی ہاکی ٹورنامنٹ: پاکستان ہاکی ٹیم نے کوریا کو ایک کے مقابلے تین گول سے شکست دیدی

جمعہ 19 اکتوبر 2018 23:20

لاہور۔19 اکتوبر(اُردو پوائنٹ اخبارتازہ ترین - اے پی پی۔ 19 اکتوبر2018ء) ایشین چیمپیئنز ٹرافی ہاکی ٹورنامنٹ میں پاکستان ہاکی ٹیم نے پہلے میچ میں کوریا کو ایک کے مقابلے تین گول سے شکست دیدی۔ پاکستان کی جانب سے اعجاز احمد، عمر بھٹہ اور رضوان سینئر نے ایک ایک گول کیا۔ مسقط اومان میں جاری ٹورنامنٹ میں پاکستان ہاکی ٹیم نے میچ کے 12 ویں منٹ میں اعجاز احمد کے گول کی مدد سے برتری حاصل کی۔

(جاری ہے)

چھ منٹ بعد دوسرے کوارٹر میں عمر بھٹہ نے بال کو جال کی راہ دیکھا کر مقابلہ دو جبکہ صفر کر دیا۔ ہاف ٹائم تک مقابلہ دو صفر رہا۔ تیسرے کوارٹر میں پاکستان ٹیم کے کپتان نے گول کر کے مقابلہ تین صفر کر دیا۔ تیسرے کوارٹر میں کے اختتام پر مقابلہ تین صفر کر دیا۔ میچ کے چوتھے کوارٹر میں کوریا ٹیم میں کم بیک کرتے ہوئے ایک گول کر کے ایک گول کے خسارہ کو کم کیا۔ میچ کا اختتام تین ایک سے پاکستان ٹیم کے حق میں ہوا۔ پاکستان ٹیم اپنا دوسرا میچ آج بروز ہفتہ بھارت کے خلاف کھیلے گی۔